Sot për këngëtaren e shumëpërfolur, Fjolla Morina është një ditë e veçantë. Vajza e saj, Alyah feston ditëlindjen dhe mbush 7 vite.

Nuk kishte se si të mungonte një urim nga Fjolla, e cila ka ndarë në Instagram disa foto nga momente të ndryshme, që nga shtatzënia, çasti kur e solli në jetë e deri te momentet aktuale.

Këngëtarja këto imazhe të ëmbla i ka shoqëruar me një urim tepër prekës, ku ndër të tjera thotë se pajtua me gjithçka por jo mos ta sillte në jetë të bijën, duke përmendur edhe faktin që ajo është nënë e vetëushqyese.

“Alayah, urime ditëlindja e shtatë evlad, të uroj ta kesh shëndetin, të priftë e mbara gjatë gjithë jetës. Beba e vogël, të do mami shumë – Zoti të bekoftë evlad. U flijova shumë që mos ta lejoja ta humbë atë që Zoti deshi të ma dhurojë. U pajtova me gjithçka por jo të mos sjellja ty në jetë bija ime. Nuk ishte e lehtë për mua të qenurit baba e nënë, frymë dhe forcë, dhimbje, ilaç, lot e dashuri e vetme veç për ty evlad. Lus Zotin të bëhesh vajzë e mbarë, një ditë të rritesh e të bëhesh e fort ashtu si unë”, ka shkruar Fjolla në Instagram.