×
  • Lajme
  • Lajme

    Fillojnë gërmimet në Prekaz për të pagjeturit, gjinden pjesë të një trupi

    FrontOnline
    28 Shkurt 2024

    Tash e dy ditë kanë filluar gërmimet e para për të pagjeturit për këtë fillim vit në Prekaz.

    Lajmin e ka bërë të ditur për Front Online përfaqësuesi i Shoqatës së Familjarëve të Personave të Pagjetur, Bajram Qerkini.

    Ai tha se në këto gërmime është gjetur një pjesë e një trupi.

    Puna do vazhdojë edhe për disa ditë të tjera, tregon Qerkini.

    “Që dy ditë kanë filluar gërmimet. Në Prekaz, kanë punuar aty ku kanë gjetur edhe më herët pjesë të trupit të personave dhe aty e kanë gjetur vetëm një këmbë dhe nuk kanë përfunduar ende gërmimet në atë pjesë se kërkohen disa trupa”, tregon Qerkini.

    Qerkini thotë se pritët gjatë kësaj jave të ketë takim me delegacionin serb për të caktuar vendet e reja për gërmim.

    Pas Prekazit do të gërmohet në Mitrovicë, thotë Qerkini.

    “Edhe javën tjetër do të punojnë në Mitrovicë. Do të fillohet të punohet në varrezat e Kosovës dhe besoj që këto ditë do të ketë takim i Komisioneve Qeveritare, Beograd-Prishtinë në Kroaci ku do të caktohen edhe vendet ku do të gërmohet”, u shpreh ai.

    Qerkini ka shprehur pakënaqësi kundrejt Qeverisë ‘Kurti’ për çështjen e të pagjeturve.

    Ai thotë se tash e tre vite asgjë s’ka ndryshuar.

    “Marrëveshjet kanë qenë pa nënshkrimin e asnjërës palë dhe këto janë përzier me politik dhe kjo nuk po i lenë me zhvillu asgjë, tash e tre vite edhe me këtë Qeveri asgjë e re s’ka ndodhur. As shpresë dhe as besim nuk kemi që do shkojë diçka përpara”, përfundoi Qerkini.

    Pas përfundimit të luftës në Kosovë në vitin 1999 rezultuan 6 mijë e 500 persona të zhdukur.

    Shumica prej tyre u gjetën, si rezultat i zhvarrimeve në varreza masive në Kosovë dhe Serbi./FrontOnline

     

    Big Brother VIP Albania në NimiTV
    Nga Rubrika
    Lajme13 Prill 2024
    Zyra e Rregullatorit të Energjisë (ZRRE) në Kosovë nuk ka ende informacione se nga cilët operatorë furnizohet Elektroseveri për shpërndarjen e energjisë...
    Lajme13 Prill 2024
    I është dhënë lamtumira e fundit, 21 vjeçarjes  që u vra dje nga ish bashkëshorti brenda Qendrës për Punë Sociale në Ferizaj....
    Lajme13 Prill 2024
    Lista Serbe ka reaguar pas arrestimit të kryesit të veprave penale “Prishja e rendit kushtetues të Kosovës”, serbit, Sreçko Sofronijeviq. Përmes një...
    Të tjera
    Lajme13 Prill 2024
    Qytetarët e Kosovës dhe ata të Shqipërisë do të kalojnë përmes pikës kufitare të Vërmicës me procedura të shpejtuara përgjatë 9 muajve...
    Bota/Rajoni13 Prill 2024
    Një person ka humbur jetën dhe 10 të tjerë janë plagosur pasi një kabinë e teleferikut u përplas me një shtyllë të...
    Lajme13 Prill 2024
    Presidentja e Kosovës, Vjosa Osmani ka kujtuar masakrën e Studenicës dhe atë të Llashticës ku forcat serbe 25 vjet më parë, me...
    Sport13 Prill 2024
    Synimi i Tottenham për të siguruar një vend në Champions League është goditur të shtunën kur "Spurs" është mposhtur në një ndeshje në "St James`...
    Lajme13 Prill 2024
    Kryetari i Aleancës për Ardhmërinë e Kosovës (AAK), Ramush Haradinaj, ka kujtuar sot masakrën e Llashticës së Gjilanit në 25-vjetorin e saj....
    Ekonomi13 Prill 2024
    Aleanca Kosovare e Bizneseve-AKB, Ministria e Punëve të Brendshme e Kosovës dhe Organizata ekonomike SHRBSH nënshkruan Memorandum Bashkëpunimi mes vete me qëllim...

    FrontOnline, © 2024 Të gjitha të drejtat e rezervuara.