×
  • Lajme
  • Lajme

    Filloi edicioni i parë i Shkollës për Diplomaci të Diasporës, Kurti: E pamundur të flitet për historinë e vendit tonë pa përfshirë diasporën

    FrontOnline
    13 Prill 2024

    Akademia Diplomatike në Ministrinë e Punëve të Jashtme dhe Diasporës ka hapur  edicionin e parë të Shkollës për Diplomaci të Diasporës.

    Mirëpritjes së gjeneratës së parë të Shkollës për Diplomaci të Diasporës iu bashkuan kryeministri i vendit, Albin Kurti, zëvendëskryeministrja dhe ministrja e Punëve të Jashtme dhe Diasporës, Donika Gërvalla, zëvendësministrja Liza Gashi si dhe përfaqësues të tjerë nga institucionet vendore dhe ndërkombëtare.

    Në fjalën e tij përshëndetëse, kryeministri Kurti ndërsa vlerësoi rolin e diasporës në zhvillimin e vendit dhe diplomacinë shtetërore, theksoi se është e pamundur të flitet për historinë e vendit tonë pa përfshirë diasporën.

    “Diaspora jonë në shumë mënyra përfaqëson një shtrirje të natyrshme të komuniteteve tona në mbarë botën. Është një diasporë shumë e lidhur me atdheun e tyre”, tha kryeministri Kurti.

    Sipas kryeministrit Kurti, qëllimi i kësaj shkolle është të nxjerrë në dritë më shumë njohuri se si të gjithë ne mund të përmirësojmë angazhimin e diasporës, si në kontekstin e zhvillimit të vendeve tona përkatëse, ashtu edhe të eksplorojë dhe shqyrtojë risitë se si ne mundemi që angazhimi i diasporës në forcimin e lidhjeve ndërmjet vendeve tona duhet të funksionojë.

    Në anën tjetër, Ministrja e Punëve të Jashtme dhe Diasporës, Donika Gërvalla, gjatë kësaj ceremonie, theksoi se prej këtu nis një rrugëtim i rëndësishëm për Kosovën në vitet e ardhshme për të treguar rëndësinë që ka diaspora në diplomaci.   “Rëndësia e kësaj shkolle qëndron në rolin e saj si një platformë bashkëpunuese në të cilën   integrohen pjesë të diasporës”. Ministri Gërvalla tha se pjesëmarrësit e kësaj shkolle do të kenë mundësinë të ndajnë përvojat e tyre duke na lidhur dhe përafruar me tema të ndryshme nga e gjithë bota, duke eksploruar se si mund të rrisim fuqinë e diasporës për marrëdhënie më të mira diplomatike dhe zhvillim kombëtar.

    Zëvendësministrja e Punëve të Jashtme dhe Diasporës, Liza Gashi, prezantoi qëllimin dhe programin e shkollës. Ajo tha se programi i Shkollës së Diplomacisë së Diasporës është hartuar me qëllim të kultivimit dhe mbështetjes së krijimit të një rrjeti global të diplomatëve të karrierës, si dhe ngritjen e kapaciteteve të tyre në fushën e diplomacisë së diasporës, si temë që ka filluar të marrin më shumë vëmendje në politikat qendrore në mbarë botën.

    Në fund të ceremonisë, një fjalim para të pranishmëve mbajti Martin Russell, Drejtor Ekzekutiv i Global Diaspora Insights, i cili e vlerësoi Shkollën për Diplomacinë e Diasporës si një nismë shumë të rëndësishme dhe tha se roli që luan diplomacia e diasporës ka një ndikim shumë të rëndësishëm. për shtetin që ka filluar të ketë më shumë vëmendje në politikat qendrore në mbarë botën.

    Edicionit të sivjetshëm të organizuar nga Akademia Diplomatike iu bashkuan diplomatë nga më shumë se 30 vende të botës. Programi i Shkollës së Diplomacisë së Diasporës, i cili do të zhvillohet në dy ditë, është hartuar me qëllim kultivimin dhe mbështetjen e krijimit të një rrjeti global të diplomatëve të karrierës, si dhe ngritjen e kapaciteteve të tyre në fushën e diplomacisë së diasporës.

    Comodita në panairin M.O.W. po shijon takimet me biznese për mundësi shkëmbimi eksperiencash, rrjetëzimi dhe bashkëpunimi
    Nga Rubrika
    Lajme19 Maj 2024
    Instituti Hidrometeorologjik i Kosovës ka parashikuar që gjatë javës që vjen do të mbajë kryesisht mot i paqëndrueshëm në Kosovë. E hënë...
    Lajme19 Maj 2024
    Njëzet ekipe shpëtimi dhe dronë janë dërguar në zonën ku helikopteri në të cilin ndodheshin presidenti iranian, Ebrahim Raisi dhe ministri i...
    Lajme19 Maj 2024
    Ekzekutivi po vazhdon procesin e racionalizimit të agjencive të pavarura dhe atyre qeveritare, por ende nuk se sa prej 80 agjencive aktuale...
    Të tjera
    Lajme19 Maj 2024
    Ministria kroate e Mbrojtjes ka bërë të ditur se nesër do të mbahet ceremonia zyrtare e dërgimit në Kosovë të trupave të...
    Lajme19 Maj 2024
    Presidentja Vjosa Osmani ka ndarë një video nga takimi dhe konferenca e përbashkët me Nënsekretaren amerikane të Shtetit për Diplomaci Publike, Liz...
    Lajme19 Maj 2024
    Kandidati i PDK-së për kryeministër, Bedri Hamza, në Zvicër është takuar me diasporën atje, të cilët i ka falënderuar për mikëpritjen. Ai...
    Lajme19 Maj 2024
    Deputetja e Lidhjes Demokratike të Kosovës, Hykmete Bajrami ka thënë se Kryeministri i Kosovës, Albin Kurti thotë të pavërteta kur deklaron se...
    Lajme19 Maj 2024
    Komuna e Prishtinës ka njoftuar se sot është djegur një kontejner i mbeturinave. Në njoftim thuhet se falë reagimit të qytetarëve është...
    Lajme19 Maj 2024
    Ka vdekur ditën e shtunë ish-ushtari i Ushtrisë Çlirimtare të Kosovës, Mehmet Bylykbashi. Më parë, i ndjeri kishte kërkuar ndihmë edhe për...

    FrontOnline, © 2024 Të gjitha të drejtat e rezervuara.