Presidenti turk Rexhep Tayyip Erdogan tha se ofensiva e Izraelit në Gaza do të kryesojë axhendën në bisedimet e tij me presidentin egjiptian Abdel Fattah al-Sisi, të mërkurën.

Ai këtë e tha në një fjalim televiziv pas kryesimit të një takimi të kabinetit sot, raporton Reuters, transmeton Klankosova.tv.

“Ne do të diskutojmë çështje të ndryshme duke përfshirë ekonominë, tregtinë, turizmin, energjinë dhe mbrojtjen me zotëri Sisin”, shtoi Erdogan.

Presidenti turk do të udhëtojë në Egjipt të mërkurën, kjo është vizita e tij e parë që kur Ankaraja dhe Kajro përmirësuan marrëdhëniet duke emëruar ambasadorë vitin e kaluar.