Elon Musk dhe ish-partnerja e tij Grimes tani janë prindër të tre fëmijëve. Sipërmarrësi miliarder dhe këngëtarja kanadeze kanë mirëpritur fshehurazi fëmijën e tyre të tretë së bashku, zbulon biografia e re e Musk.

Rishikimi i New York Times i librit mbi Elon Musk zbuloi se Musk dhe Grimes kanë mirëpritur një fëmijë të tretë, një djalë. Më vonë, Elon, kreu i Teslës, konfirmoi emrin unik të djalit të tij, d.m.th., Tau Techno Mechanicus.Duke komentuar në një postim në X (i njohur më parë si Twitter), Musk shkroi, “Tau Techno Mechanicus. Circumference/Diameter.”

Më shumë detaje rreth fëmijës së tij të tretë, si data e lindjes dhe vendi ku lindi, nuk janë zbuluar.Musk, 52 vjeç dhe Grimes, 35 vjeç, tashmë janë prindër të dy fëmijëve: një djali, X Æ A-12 (3) dhe një vajzë, Exa Dark Sideræl (1). Çifti mirëpriti vajzën e tyre përmes një gruaje surrogate në dhjetor 2021. Musk dhe Grimes, emri i vërtetë i të cilit është Claire Boucher, kishin lidhje për rreth tre vjet përpara se të ndaheshin në mars 2022.

Duke përfshirë tre fëmijët e tij me Grimes, Elon tani është baba i 10 fëmijëve. Sipërmarrësi miliarder, i cili është divorcuar tre herë, mirëpriti fëmijën e tij të parë me gruan e tij të parë, autoren Justine Wilson. Fatkeqësisht, fëmija i tyre vdiq në moshën 10 javëshe. Ish-çifti më vonë mirëpriti binjakë në 2004 dhe trenjakë në 2006. Musk lindi binjakë me Shivon Zilis, një drejtuese e lartë i kompanisë së miliarderit Neuralink./Kosovarja