×
  • Lajme
  • Lajme

    Ekspertët: Serbia s’mund ta ndalojë rrugën e Kosovës drejt NATO-s

    FrontOnline
    25 Maj 2024

    Aplikimi i Kosovës për të qenë anëtare e asocuar në Asamblenë Parlamentare të NATO-s do të jetë në agjendë në takimin e radhës që mbahet nga 25 deri 27 maj, ku pritet të merret vendimi për kërkesën e vendit.

    Lidhur me këtë hap drejt NATO-s, Serbia ka nisur fushatë kundër pranimit të Kosovës, duke bërë thirrje që të mos i jepet një mundësi e tillë shtetit fqinj.

    Ish-komandanti i FSK-së: Kosova është në rrugë të mirë drejtë NATO-s dhe këtë nuk mund ta ndalë Serbia

    Kadri Kastrati, ish-komandanti i Forcës së Sigurisë së Kosovës, ka thënë për Front Online se rrugën e Kosovës drejtë NATO-s nuk mund ta ndalojë Serbia.

    Ai tha se avancimi i Kosovës drejt NATO-s është interes i të dyja palëve.

    “Serbia nuk mund të ndikojë tek NATO për avancimin e Kosovës në Asamblenë e NATO-së. Ajo është duke bërë përpjekje, por nëse Kosova avancon drejtë integrimit të NATO-së është interes jo vetëm i Kosovës, por edhe i NATO-s. Ushtria dhe Kosova janë duke avancuar me mekanizma qofshin ato të NATO-s me ushtrim e shkollime e bashkëpunime, pavarësisht që çështjen politike nuk po ecin ashtu siç duhet, por Kosova është në rrugë të mirë drejtë NATO-s dhe këtë nuk mund ta ndalë Serbia”, theksoi Kastrati.

    Burim Ramadani: Serbia me çdo metodë po tenton ta pengoj Kosovën në raport me ndërkombëtarët

    Ish-zëvendësministri i Mbrojtjes, Burim Ramadani, fushatën e Serbisë kundër Kosovës për anëtarësimin për asocim në Asamblenë Parlamentare të NATO-s e sheh të paefektshme.

    Ramadani për Front Online tha se në çdo mundësi shteti serb po e pengon Kosovën në raport me ndërkombëtarët.

    Ai shprehët optimist që Kosova dhe NATO të avancojnë së bashku.

    “Serbia po shfrytëzon çdo metodë dhe çdo mundësi për të penguar Kosovën në konsolidimin e shtetit dhe marrëdhënieve ndërkombëtare. Në rastin e statusit të anëtares së asociuar në AP të NATO-s besoj që kjo letër e Serbisë nuk do të ketë efekt. Unë pres që Kosova dhe NATO të avancojnë në aranzhmane të reja operacionale, sepse kjo do të ishte e rëndësisë praktike. Statusi i ri në AP NATO nuk ndryshon marrëdhëniet Kosovë-NATO”, thotë Ramadani.

    Avni Arifi: Serbia në Kosovë do të gjejë hapësirë në vazhdimësi me mendësinë e Qeverisë ‘Kurti’

    Ish-kryenegociatori për dialogun Kosovë-Serbi për Front Online thotë se me këtë mendësi të Qeverisë ‘Kurti’, Serbia në Kosovë do të gjejë hapësirë në vazhdimësi.

    Arifi ka kritikuar pushtetin aktual, duke thënë se e kanë dobësuar besueshmërinë e vendit tek aleatët ndërkombëtar.

    “Mënyra si po e sheh VV shtrirjen e sovranitetit në veri dhe pikëpamjet për çka është drejtësi dhe vlerë evropiane në mënyrë graduale e kanë dobësuar besueshmërinë e Kosovës si faktor i besueshëm tek vendet kryesore aleate të Kosovës. Sa më gjatë që ka Kosova këtë Qeveri dhe këtë mendësi lista e ndëshkimeve për Kosovën veç sa do të zgjatet kurse roli i Serbisë në Kosovë do të gjejë hapësirë në vazhdimësi”, u shpreh Arifi.

    Serbia pretendon se dhënia e statusit për Kosovën do të ishte vendim i dëmshëm si për Asamblenë Parlamentare të NATO-s dhe veçanërisht për proceset e stabilizimit dhe integrimit euroatlantik në Ballkanin Perëndimor.

    FITO 10.000 EURO ME PAKO PREMIUM PLUS!
    Nga Rubrika
    Lajme16 Qershor 2024
    olicia e Kosovës, ka demantuar shkrimet tendencioze dhe të pavërteta të publikuara në disa mediume kryesisht serbe, të cilat i referohen zyrës...
    Lajme15 Qershor 2024
    Analisti serb, Dushan Janiç, ka folur në lidhje me situatën në Ballkan dhe marrëdhëniet mes Kosovës dhe Serbisë. Në një intervistë për...
    Lajme15 Qershor 2024
    Vetëm disa ditë pas çlirimit të Prishtinës, ushtarët britanikë zbuluan disa dhoma torturash që ishin shfrytëzuar nga paramilitarët serb. Së bashku me...
    Të tjera
    Lajme15 Qershor 2024
    Shqipëria ka kaluar në avantazh ndaj Italisë në ndeshjen hapëse të tyre në Kampionatin Evropian 2024, e vlefshme për grupin B. Në...
    Lajme15 Qershor 2024
    Shtetet e Bashkuara dhe NATO-ja kanë qëndrime të ndryshme lidhur me përdorimin e armëve perëndimore nga Ukraina për të goditur objektiva ushtarake...
    Lajme15 Qershor 2024
    Drejtuesit e vendeve të G7 përfunduan takimin e nivelit të lartë me paralajmërimin më të fortë të bërë deri më tani Kinës,...
    Lajme15 Qershor 2024
    Presidentja e Kosovës, Vjosa Osmani në Samitin e Paqes për Ukrainën në Zvicër, është takuar me zëvendëspresidenten e Shteteve të Bashkuara, Kamala...
    Lajme15 Qershor 2024
    Presidentja e Kosovës, Vjosa Osmani në nisje të Samitit të Paqes për Ukrainën në Zvicër, është takuar me kancelarin gjerman, Olaf Scholz...
    Lajme15 Qershor 2024
    Zona që gjendet në afërsi të pikës kufitare Bërnjak në veri të Kosovës, 50 metra afër zonës administrative me Serbinë, e që...

    FrontOnline, © 2024 Të gjitha të drejtat e rezervuara.