Sport

Edicioni i ri me fanella të vjetra, një pjesë e klubeve elitare s’i japin rëndësi dukjes

Edicioni i ri me fanella të vjetra, një pjesë e klubeve elitare s’i japin rëndësi dukjes
14:45 | 08 Gusht 2022

“Klubi ynë prezanton fanellat e reja për edicionin e ri futbollistik” – Këso fjali rrallë shihen në faqet zyrtare të klubeve të elitës së futbollit kosovar. Megjithëse në Kosovë ka klube të futbollit që i kushtojnë shumë rëndësi anës profesionale të organizimit, disa nga to nuk është se u japin rëndësi edhe pjesës së fanellave të futbollistëve për një edicion, duke i përdorë dizajnet e vjetra për më shumë se një sezon.

Nga dhjetë klube se bëjnë gara këtë edicion në elitë, vetëm katër nga to pritet që edicionin e ri ta nisin me pamje të re për futbollistët.

Ballkani, Gjilani, Llapi e Prishtina janë të vetmet klube që pritet të paraqiten me fanella të reja këtë edicion që nis më 13 gusht.

BALLKANI – ka prezantuar fanellat e reja si vendas që nga takimi i parë i rrethit të parë kualifikues në Ligën e Kampionëve kundër Zalgiris.

Si gjithmonë, fanellat e reja vendase dominohen nga ngjyra portokalli, me disa nuanca të zeza.

Në prezantimin e fanellës së re te kampionët e Kosovës morën pjesë treshja e ekipit, Lindon Emërllahu, Nazmi Gripshi e Meriton Korenica.

Kjo nuk është hera e parë që Ballkani i kushton rëndësi kësaj çështje, për faktin se edhe në vitet e kaluara ata i kanë ndryshuar ato.

GJILANI – Përveç futbollistëve, “kuqebardhët” edhe fanellën e tretë deri më tani e kanë prezantuar në mënyrë fantastike.

Gjilani prezantoi një nga fanellat e edicionit të ri me ngjyrë të zezë para afër një muaji.

Ngjyra e zezë, për dallim nga tradicionalet “bardhë e kuq” e dominuan fanellën e tretë  të “Skifterave”, me logon e klubit dhe të sponzorit që posedonin ngjyrë të kuqe.

Dizajnin e fanellës së Gjilanit e ka bërë kompania e njohur “Jako”.

LLAPI – Ndonëse nuk ka bërë prezantim zyrtar, llapjanët në ndeshjen e dytë kundër Buducnostit të Podgoricës në kualifikimet e Ligës së Konferencës e kemi parë me fanellën e re që do e përdorë për ndeshjet si vendas në edicionin e ri.

Fituesit e Kupës së Kosovës identifikohet me ngjyrat “bardhekaltër” në fanellë, me një dizajn klasik në pjesën e përparme të fanellës.

PRISHTINA – Edhe klubi më i suksesshëm i futbollit në vend, FC Prishtina ishte paraqitur në fushë me fanellë të re, madje ende pa u mbyllur edicioni paraprak, shkruan Demokracia.com

Skuadra kryeqytetase u paraqit në një takim me Dritën e Gjilanit disa xhiro pa përfunduar edicioni 2021/22 me fanella të cilat simbolizonin përvjetorin e 100-të të themelimit të klubit.

Nuk dihet nëse Prishtina do të paraqitet me ato fanella në sezonin e ri, por megjithatë pritet të ketë diçka speciale për 100 vjetorin e themelimit.

Modeli për ndryshimin e fanellave është prezent kudo në kampionatet evropiane të futbollit, madje me prezantim dinjitoz, pasi nga fanellat e reja klubet mund të përfitojnë shumë edhe në anën financiare./Demokracia/

Loja e madhe ka filluar nga 31 Janar dhe vazhdon deri me 2 Shkurt në Petrol Company

Të tjera