×
  • Lajme
  • Lajme

    E pafalshme, shtatorja e Anton Çettës që një vit rri mbyllur në atele, Komuna e Prishtinës nuk i bën zgjidhje

    FrontOnline
    03 Nëntor 2019

    Që një vit shtatorja e Anton Çettës, plakut që pajtoi qindra gjaqe në tërë Kosovën, rri në atelenë e skulptorit që e punoi atë, Agon Qosa. Komuna e Prishtinës nuk ia ka gjetur ende asnjë lokacion se ku të vendoset.

    Duke folur për Gazetën Sinjali, skulptori Agon Qosa, thotë se përveç gazetarëve nuk është interesuar askush për shtatoren e Çettës.

    “Shtatorja është ende në atele te unë, është e përfunduar në bronz prej 22 tetorit të vitit të kaluar. I ka bërë një vit e pak që është në atele… Pos gazetarët që kanë ardhë me pyet për shtatore, përndyshe askush s’ka ardhë, askush s’më ka dhënë ndonjë informatë”, tha Qosa për Gazetën Sinjali.

    Për këtë çështje, Qosa e lë fajtor të parin e Prishtinës, Shpend Ahmetin.

    “Me Agjensionin e Komplekseve Memoriale e kemi diskutuar disa herë bashkë, kanë dashur të kontaktojnë me kryetarin nuk ia ka çelë telefonin, i kanë shkru letër, kanë kërku edhe takim por nuk ia ka caktuar një takim të paktën me diskutu”, thotë më tej Qosa.

    Ndonëse nuk ia kanë gjetur vendin për vendosjen e shtatores, sot politikanët e kanë përkujtuar në Facebook 24 vjetorin e vdekjes së Anton Çettës.

    Kryeministri në largim, Ramush Haradinaj, ka shkruar për Çettën se “Kujtimi për unifikuesin shqiptar, pajtimtarin e mijëra gjaqeve dhe humanistin e madh nuk është zbehur as pas 24 vjetësh nga vdekja e tij”.

    Për Anton Çettën ka shkruar edhe presidenti Hashim Thaçi, “Para 24 viteve vdiq albanologu, humanisti i shquar dhe njeriu i urtë Anton Çetta, që hyri në historinë e re të Kosovës si pajtues i gjaqeve dhe mbledhës i thesarit të çmuar të trashëgimisë sonë folklorike”.

    Qosa thotë se këto shkrime politikanët i bëjnë sa për politikë “mu dokë që po bëjnë diçka”.

    Gjatë bisedës, Qosa tha se nuk i pengon që në atele të qëndrojë edhe më tutje shtatorja e Çettës.

    “Është qëllimi te vendi, te kryetari i Komunës së Prishtinës që nuk ia ka gjetur një vend, ka vende sa të duash. Mua nuk më pengon me mbetë shtatorja në atele, është vepër e imja”, përfundoi Qosa.

    Shtatorja e Anton Çettës

    Gazeta Sinjali ka kontaktuar edhe me nënkryetarin e Komunës së Prishtinës, Selim Pacollin, për të kuptuar nëse është bërë diçka për gjetjen e lokacionit për vendosjen e shtatores së Çettës, por i njëjti tha se ndodhet jashtë vendit dhe për këtë çështje do të përgjigjet nesër në mëngjes.

    Ndryshe, muaj më parë ishte kundërshtuar ideja që kjo shtatore të vendoset para Institutit Albanologjik./Front Online/

    Filloi aplikimi për gjeneratën e 10-të të KEDS Academy për nxënës dhe studentë të rinj
    Nga Rubrika
    Lajme27 Shkurt 2024
    Në një video të siguruar nga RTK, Millan Radoiçiqi, udhëheqësi i agresionit të grupit terrorist të armatosur të Serbisë më 24 shtator...
    Lajme27 Shkurt 2024
    Vendimin e Bankës Qendrore të Kosovës për ndalimin e dinarit ndonëse nuk e quan të “keq”, megjithatë për ish-diplomatin Blerim Canaj, i...
    Lajme27 Shkurt 2024
    Kryetari i LDK’së, Lumir Abdixhiku, ka pritur në takim emisarin gjerman për Ballkanin Perëndimor, Manuel Sarrazin. LDK ka njoftuar se në takim...
    Të tjera
    Bota/Rajoni27 Shkurt 2024
    Presidenti ukrainas, Volodymyr Zelensky, tha se ka mbërritur sot në Arabinë Saudite për të zhvilluar bisedime me Princin e Kurorës, Mohammed bin...
    Lajme27 Shkurt 2024
    Gjykata Themelore e Prishtinës, ua ka vazhduar edhe për dy muaj, Naim Murselit, Granit Plavës dhe Kushtrim Kokallës, të cilët dyshohen për...
    Lajme27 Shkurt 2024
    Shërbimi Korrektues i Kosovës ka njoftuar se ka shpallur konkurs për kadetë korrektues, ku kërkohen 113 kadetë. Aplikimi për pozitën e Zyrtar...
    Sport27 Shkurt 2024
    Trajnerit të Interit, Simone Inzaghi ia kanë vënë syrin tri skuadrat angleze, Manchester United, Chelsea dhe Liverpooli. 47-vjeçari ka kontratë me Nerazzurrët...
    Bota/Rajoni27 Shkurt 2024
    Mediat kanë nisur të përmendin shpesh së fundmi sesi më të pasurit e botës po përgatiten për fundin e botës, duke shtuar...
    Lajme27 Shkurt 2024
    Forca e Sigurisë së Kosovës (FSK) është duke vazhduar me përkrahjen e saj ndaj Ukrainës. Në një njoftim të lëshuar nga Ministria...

    FrontOnline, © 2024 Të gjitha të drejtat e rezervuara.