Përdorimi i substancave narkotike nga të rinjtë në Kosovë, ka marrë përmasa shqetësuese. Çdo ditë në Polici raportohen raste ku persona të mitur kapen me drogë nga njësitet policore. E një rast i tillë është raportuar mbrëmë rreth orës 21:10 në rrugën ‘Medlin Olbrajt’ në Pejë, ku është arrestuar një 16-vjeçar.
Burimet e Gazetës Sinjali bëjnë të ditur se tek i njëjti është gjetur substancë e dyshuar narkotike e llojit marihuanë, të cilën e kishte fshehur në këpucë.
Sinjali mëson se 16-vjeçari u has në Fushën e Sportit gjatë një kontrolli nga zyrtarët policorë.
I mituri është arrestuar e më pas është dërguar në stacion policor, ku me urdhër të prokurorit ndaj tij është iniciuar rast ‘Posedim i paautorizuar i narkotikëve, substancave psikotrope ose analoge’.