Nuk është gjithnjë e lehtë ta dish se kur e ke tepruar me alkoolin. Por në këtë pikë, mund të të ndihmojë smartfoni yt, duke matur dhe vlerësuar ndryshimet në mënyrën se si ecën.
Pjesëmarrësit kishin një orë kohë për të përfunduar gotën dhe më pas analizohej përqendrimi i alkoolit në frymë çdo orë, për shtatë orë radhazi ndërsa atyre u kërkohej të bënin 10 hapa në vijë të drejtë. Kërkuesit u vendosën pjesëmarrësve nga një smartfon dhe duke përdorur një aplikacion për regjistrimin e të dhënave, telefonët matën shpejtësinë dhe lëkundjet anash, para prapa, poshtë e lart. Në 90 për qind të kohës, kërkuesit mundën të saktësonin, nisur nga këto të dhëna, se kur limiti i alkoolit tek një person ishte kapërcyer. Tani kërkuesit thonë se kanë hedhur themelet edhe për një kërkim të ri në të ardhmen, atë të përdorimit të smartfonëve për të dalluar në distancë teprimin me alkoolin.
