Viktimat e dhunës seksuale, kanë thënë se e përjetuan rëndë izolimin

Pranvera e gjeti të mbyllur Kosovën, nga COVID 19.

Por, duket që ky qëndrim brenda shtëpisë, dikë po e kthen dy dekada më pas.

Ani pse ka kaluar kohë , kësaj gruaje, izolimi i kujtoi momentet, kur forcat serbe e morën me force, e pastaj e dhunuan.

Ajo thotë se në kohën e luftës, ishte 19 vjecare.

Ndërsa mban mend që bashkë me mbi 10 gra të tjera u torturuan në mënyrat më çnjerëzore nga forcat serbe.

Por, ani pse këto ngjarje ndodhen dy dekada me parë, kjo grua thotë që është në gjendje të identifikojë personin që e dhunoi.

Por, edhe pasi mbaroi lufta, thotë se torturat për të vazhduan.

Ajo shprehet se ende nuk e ka marrë guximin që tu tregojë fëmijëve atë se cka i ndodhi.

Kurse kërkesa e vetme e kësaj gruaje të dhunuar gjatë luftës së fundit në vend, është që në bisedimet me Serbinë, dikush ta ngrisë zërin për të e të kërkojë llogari.

Ndërsa për tmerrin që e përjetoi, thotë që është në gjendje të dëshmojë kudo.