Profesori universitar Bujar Dugolli i ka dhënë të drejtë kryeministrit Albin Kurti lidhur me vendimin e tij për të mos u takuar me presidentin serb Aleksandër Vuçiq në Bruksel.

Dugolli argumenton se ky qëndrim i Kurtit është parimor, veçanërisht pas tërheqjes së Serbisë nga Marrëveshja Bazë dhe pas sulmit terrorist të 24 shtatorit.

“Përpjekja e fundit e zoti Borrell dhe Lajçak në përfundim të mandatit ishte për të treguar atë punë e tyre që e kanë bërë në vazhdimësi. Por për fat të keq unë mendoj që puna  tyre nuk ka qenë suksesshme pasi nuk kanë arritur atë politikën e balancimit të procesit. Duke aplikuar edhe metodën edhe të ndëshkimit për Serbinë nuk a kanë realizuar dhe mendoj që këtu ka ngecur procesi. Tash gatishmëria për të shkruar në Bruksel për tu takuar me ndërkombëtarët u tregua e zotit Kurtit. Mosgashimëria për tu takuar me Vuçiqin është parimore, është e drejtë, për faktin se ata janë tërhequr nga marrëveshja”, ka thënë Dugolli në “FIVE” të Dukagjinit.

Nënshkrimi i Marrëveshjes Bazike, dorëzimi i kryekriminelit Millan Radojçiq dhe sigurinë për mirëbesim dhe vullnet të mirë në procesin e dialogut, ishin tri kushtet e Kurti që i vendosi për takim me presidentin serb.