Në komisionin hetimorë për privatizim po raporton ish-ministri i Tregtisë dhe Industrisë, Bujar Dugolli. Lidhur me privatizimin e Feronikelit, Dugolli ka thënë se për këtë çështje është bërë shumë zhurmë, ku ai thotë se kanë hyrë në hak me të, ku ai thotë se nuk ka qenë personi i vetëm në këtë proces.
“Lidhur me këtë çështje është bërë zhurmë, dhe është bërë e padrejtë sepse nuk kam qenë personi i vetëm në këtë çështje, nuk e di për çfarë qëllimi e kanë bërë por kanë hyrë në hak sepse as atëherë as tash skam bërë asnjë veprim që ka ra ndesh me ligjin. Ka pasur emra dhe mbiemra ata që kanë raportuar edhe në komunën e Drenasit dhe e kanë përdorur etiketime ta ndryshme në adresën time sepse askush nuk mundet me më shantazhu por ndoshta janë bërë nga koncepti i opozitarizmit, u shpreh ai.
Dugolli u shpreh se shitjen e kompanisë “Feronikel”, në Drenas e konsideron storje suksesi, por që PDK-ja në atë kohë si opozitë i ka bërë presion gjatë periudhës së privatizimit të kësaj kompanie.
Dugolli u shpreh se nga PDK-ja si parti e sidomos nga dega në Drenas ka pasur presion ndaj tij dhe ka pasur etiketime. Por që në bord ka votuar pro.
“Ata kanë përdorur etiketime të ndryshme në adresën time, unë nuk jam fyer asnjëherë.
Nuk kam vendos unë për privatizim, unë kam votu pro këti privatizimi, a ka qenë i duhur apo jo e dëshmon koha”, ka thënë ai.
Më tutje Dugolli u shpreh se kënaqësia më e madhe e tij ka qenë se më vonë vet presidenti Thaçi e ka prerë shiritin e kësaj ndërmarrje dhe është konsideruar storje suksesi.
Por që Dugolli u shpreh se në aspektin moral nuk ia bënë “hallall” PDK-së për etiketimet ndaj tij.
