Një nga drejtuesit e policisë së Nju Jorkut, ka akuzuar mediat për “keqtrajtim” të policëve, shkruan Independent.

Michael O’Meara, shef i policisë se Nju Jorkut, gjatë një konference për media ka sulmuar mediat për trajtimin dhe etiketimin që po u bëhet policëve pas vdekjes së George Floyd.

“Mjaft u sollët me në sikur me kafshë. Filloni të silleni ndaj nesh me respekt”, ka deklaruar O’Meara në Nju Jork, duke shtuar se “askush nuk po i pyet dhe se po ndihen të lënduar më këtë”.

Duke qëndruar pranë qindra policëve – ai iu drejtua mediave duke bërë apel se nuk duhet pasur frikë askush prej tyre, dhe se janë thjesht për zbatim të ligjit.

“Të gjithë kemi lexuar nëpër gazeta gjatë tërë javës së në komunitetin e afro-amerikanëve, nënat janë të brengosura se si fëmijët e tyre do të kthehen nga shkolla, dhe se ndonjë polic mund t’i sulmojë. Në çfarë bote po jetojmë. Një gjë e tillë nuk do të ndodhë”, ka shtuar.

“Unë nuk jam Derek Chauvin, ata pas meje nuk janë ai. Ai ka vrarë dikë, ne jo”, shtoi O’Meara duke iu referuar policit Derek Chauvin nga Minneapolis që ia mbajti gjurin në qafë tashmë të ndjerit George Floyd i cili më pas ndërroi jetë.