Drejtori i Agjencisë kundër Korrupsionit Shaip Havolli, ka rezultuar pozitiv me COVID-19, shkruan Gazeta Blic.Lajmin e ka bërë të ditur Zyra për Informim e AKK-së.
Në njoftimin e tyre thuhet se Havolli është vetë izoluar, sipas rekomandimeve të dhëna nga IKSHPK.
Kohëve të fundit ka pasur shtim të rasteve pozitive me COVID-19.Numri total i rasteve pozitive deri më tani është 29.117 raste nga 118.946 persona të dyshimtë dhe 822 viktima.Shtimi i rasteve me koronavirus, ka shtyrë institucionet vendore që të ndërmarrin vendim për shtrëngimin e masave.
Tashmë kanë hyrë në fuqi masat e reja, në të gjithë Kosovën.