×
  • Front TV
  • Front TV

    Deputeti i AAK-së: Stoltenbergu erdhi pas deklaratave të Osmanit dhe Kurtit se mund të ketë luftë

    Fatlum Berisha
    21 Nëntor 2023

    Sekretari i përgjithshëm i NATO-s, Jens Stoltenberg, nuk ka dhënë shpresa gjatë qëndrimit në Kosovë se vendi së shpejti mund të bëhet pjesë e Partneritetit për Paqe, program ky që i paraprin anëtarësimit në aleancën transatlantike.

    Kryetari i Komisionit për Siguri në Kuvend, Bekë Berisha tha se shefi i NATO-së nisi turin në Ballkan për një qëllim.

    “Kosova është bërë problem i sigurisë dhe normalisht që është prit që do të vie Stoltenberg po ashtu do të shkojë në Beograd. Në këtë fazë të ndjeshme që jemi, ai ka ardh me e mbajt situatën nën kontroll, ka pasë sulm terrorist nga Serbia”.

    Deputeti i AAK-së thotë se vizita e Stoltenbergut erdhi pas deklarimeve për luftë nga Presidentja Vjosa Osmani dhe kryeministri Albin Kurti.

    “Ky titullar i NATO-s ka ardh me këqyr situatën me mbajt nën kontroll sepse ka pasë deklarime të kryeministrit dhe presidentes se mund të ketë luftë. Akterët e sigurisë munden me paralajmëruar gjëra të tilla. Por kur thotë kryeministri këso deklarata, pastaj është shqetësim, edhe për NATO-n”. 

    Zelensky paralajmëroi luftë në Ballkan/ Berisha: Gjithçka mund të ndodh

    Presidenti i Ukrainës, Vlodymyr Zelensky, ka bërë thirrje që t’i kushtohet vëmendje më e madhe rajonit të Ballkanit, ku bën pjesë edhe Kosova, pasi sipas tij, ka informacione se Rusia po planifikon të nisë një luftë për ta larguar vëmendjen nga Ukraina.

    Rusia mund të krijojë kriza të reja në Ballkan dhe Moldavi në mënyrë që të largojë vëmendjen e botës nga lufta në Ukrainë, ka thënë presidenti ukrainas të enjten gjatë një bashkëbisedimi me gazetarët nga Afrika, shkruan “Novinite”.

    Paralajmërimi ukrainas po i duket i drejtë deputetit të AAK-së Bekë Berisha.

    “Në Ukrainë po ndodh një luftë e rreptë. Krejt Ukraina po rrafshohet me tokë. Ai paralajmëron që mundet me ndodh diçka në Ballkan. Ka të drejte sepse ndikimi rus, qëllimi është ku ka ndikim me hap vatra që Ukraina me u harru dhe me mbet në mëshirën e Rusisë. Dihet se sa ka mëshirë Rusia”. 

    Berisha thotë se mund të ndodh skenari për të cilin sinjalizoi Zelensky.

    “Në këtë botë të trazuar, çka të bjen ndërmend me fol keq, pinë ujë. Mundet me ndodh. Nuk ka kontroll kurrgjë. Luftërat po ndodhin. Çdo paralajmërim i keq është i mundshëm. Institucionet e sigurisë i marrin me shumë seriozitet”. 

    “Është jashtëzakonisht e mundshme që munden të prodhohen sulme tjera. Serbia ka qenë e involuar direkt me këto grupe terroriste. Kjo e bën çështjen edhe më serioze”.

    Berisha: Kurti e pranoi Asociacionin, ai çka fol rren

    Kryeministri i Kosovës, Albin Kurti, e ka pranuar moti se në Planin evropian ka Asociacion të komunave me shumicë serbe, madje edhe drafstautin e BE-së.

    Ai ka deklaruar se brenda aneksit të të zbatimit të marrëveshjes për normalizim të marrëdhënieve, ka Asociacion, meqë neni 10 thotë se të dy palët e konfirmojnë obligimin e tyre për të zbatuar marrëveshjet e kaluara që ngelen valide dhe të obligueshme.

    Deputetit Bekë Berisha, pranimi nga ana e Kurtit, po i duket normal.

    “E kam pa si diçka reale, duke e njohur kryeministrin Kurti, shpresoj të mos përsëriten lider të tillë që përçajnë popullin kaq shumë. Shpresoj që mos të marr përkrahje kaq të madhe një njeri që krejt çka ka fol rren. S`jam i befasuar. Ka pranuar Zajednicë, për të cilën janë vra njerëz t`u e kundërshtuar”.

    Ai kritikoi partitë opozitare, PDK dhe LDK, që sipas tij s`po kanë guxim ta rrëzojnë Kurtin nga pushteti.

    “Po del që ka qenë mashtrimi me i madh që i ka ndodh vendit. Problemi është tek frika e kësaj opozite që po e bëjnë luftën kush me dal i dyti dhe jo se i kemi  me rrëzu këtë qeveri dhe me punu për vendin. Këta po këqyrin kush me dal i dyti”, u shpreh Berisha.

    Berisha i AAK-së: Buxheti për sigurinë është dashtë të dhjetëfishohet

    370 milionë euro pritet të jetë buxheti për Ministrinë e Mbrojtjes dhe Punëve të Brendshme gjatë vitit 2024.

    Kjo u bë e ditur nga kryeministri Albin Kurti, i cili tha se rritja e buxhetit prej 30 milionë euro nga viti paraprak, tregon përkushtimin e tyre në fushën e sigurisë.

    Bekë Berishës po i duket e pamjaftueshme.

    “Janë të pamjaftueshme, nëse e krahasojmë me Serbinë prej pasluftës së dytë botërore. Ata kanë prodhim industri të rëndë, të gjitha llojet e armatimit. Ne jemi shtet i ri, kemi filluar, përparësia është që doktrina dhe armatimi është me i ri, por në masë ka përparësi Serbia sepse ka shumë armatim të grumbulluar”.

    Sipas tij, buxheti për sigurinë është dashtë të rritet akoma.

    “I kam thënë kryeministrit me dhjetëfishuar buxhetin jo me dyfishu për sektorin e sigurisë”. 

    Loja e madhe ka filluar nga 31 Janar dhe vazhdon deri me 2 Shkurt në Petrol Company
    Nga Rubrika
    Front TV26 Shkurt 2024
    Aleanca për Ardhmërinë e Kosovës ka kërkuar debat parlamentar në lidhje me sigurimet shëndetësore të qytetarëve të Kosovës dhe që eventualisht të...
    Front TV26 Shkurt 2024
    Kërkesa e kamotshme e Asociacionit të Komunave të Kosovës (AKK) për formimin e grantit të katërt nuk është realizuar. Lidhur me këtë...
    Front TV23 Shkurt 2024
    Presidentja e Kosovës, Vjosa Osmani, ka folur edhe njëherë për procesin e peticioneve për shkarkimin e kryetarëve në veri të vendit. Këtë...
    Të tjera
    Lajme26 Shkurt 2024
    Nënkryetarja e PDK-së, Vlora Çitaku, ka reaguar pas konfirmimit se përfaqësues të BQK-së do të marrin pjesë në takimin e nesërm në...
    Lajme26 Shkurt 2024
    Një burrë në Prizren ka raportuar se vetura e tij është vjedhur nga persona të panjohur. Por automjeti është gjetur i parkuar...
    Sport26 Shkurt 2024
    Fundjavën që shkoi, përfundoi xhiroja e 23-të e Bundesligas. Edhe pas kësaj jave, Bayer Leverkusen vazhdon të jetë lider. Leverkusen triumfoi përballë...
    Vip26 Shkurt 2024
    Si asnjëherë më parë në një studio televizive, Grida Duma ka rrëfyer për jetën personale e profesionale. Djali, siç thotë ajo, është...
    Vip26 Shkurt 2024
    Grida Duma është një prej grave që fuqishëm ka përkrahur gratë e tjera gjatë karrierës së saj politike, por edhe tash në...
    Bota/Rajoni26 Shkurt 2024
    Tirana do të jetë mikpritëse e dy samiteve më 28 dhe 29 shkurt. I pari do të mbahet të mërkurën e 28...

    FrontOnline, © 2024 Të gjitha të drejtat e rezervuara.