Lajme

Daut Haradinaj – Kurtit: Kam pritë që në janar e hapni kufirin me Shqipëri, ju po e mbyllni

Daut Haradinaj – Kurtit: Kam pritë që në janar e hapni kufirin me Shqipëri, ju po e mbyllni
22:36 | 22 Janar 2022

Zyrtari i AAK-së, Daut Haradinaj, ka reaguar pas masave të fundit të qeverisë, për parandalimin e përhapjes së COVID-19, që nuk ua lejojnë qytetarëve të huaj të hyjnë në Kosovë pa test negativ.

Ai e ka quajtur skandaloz vendimin dhe ka thënë se kufijtë nuk hiqen me zgërdhirje e as me filozofi.

“Personalisht kam pritur që kontrollet në kufi me shtetin amë do hiqen tërësisht nga ky janar, e në asnjë mënyrë vështirësime e mbyllje, proklamuat që na “hoqët” kufirin para pak muajsh. Çka tash? Imagjinojeni nëse vendet tjera na e vendosin kusht vaksinën e tretë!”, ka shkruar Haradinaj në një postim në Facebook.

Tutje, ai kërkoi që shqiptarët të trajtohen në të dy anët me dinjitet dhe të ndalen vendimet, siç tha, naive.

“E me Maqedoninë e Veriut çfarë patët? Maqedonët nuk është që na vizitojnë edhe aq shpesh! Nga Maqedonia janë motrat dhe vëllezërit tanë që jetojnë dhe punojnë në të dy shtetet”.

Prince Caffe shpërblen për festa Fitoren me veturë Fiat 500

Të tjera