Të dielën kanë përfunduar garat e hendbollit në Lojërat Olimpike “Parisi 2024”, ku Danimarka te meshkujt, ndërsa Norvegjia te femrat u stolisën me medaljen e artë.
Ndeshja e fundit ishte finalja e hendbollistëve mes Gjermanisë dhe Danimarkës. Danezët kanë dominuar plotësisht, nga fillimi e deri në fund, për të fituar të artën olimpike, pasi Danimarka fitoi 39:26 ndaj Gjermanisë.
Që në pjesën e parë dallimi në rezultat ishte shumë i madh. Danezët kanë fituar titullin olimpik për herë të dytë. Fillimisht kampionë ishin në Rio në vitin 2016, ndërsa në Tokio në vitin 2021 u mposhtën në finale.
Medaljen e bronztë te hendbollistët e ka fituar Spanja. Spanja për vend të tretë e mposhti Slloveninë.
Te hendbollistet, medaljen e artë e fitoi Norvegjia, që në finale mposhti Francën me rezultat 29:21.
Medalja e bronztë te hendbollistet i takoi Danimarkës. Danimarka në ndeshjen për vend të tretë e mposhti Suedinë me rezultat 30:25.
Garat e hendbollit në Paris ishin shumë interesante. Numri i shikuesve ishte po ashtu shumë i madh. /Telegrafi/
