×
  • Lajme
  • Lajme

    Çfarë dimë për përplasjen e aeroplanit në Uashington?

    FrontOnline
    30 Janar 2025

    Një aeroplan pasagjerësh me 64 persona në të është përplasur me një helikopter ushtarak dhe për pasojë ka rënë në një lumë në Uashington.

    Ka raportime se të paktën 18 trupa janë nxjerrë prej lumit Potomak.

    Temperaturat është raportuar të jenë tejet të ulëta dhe e gjithë situata po vështirëson përpjekjet për kërkim-shpëtim.

    Autoritetet amerikane janë duke hetuar rastin ndërsa Aeroporti Kombëtar i Uashingtonit, Ronald Reagan i ka ndalur të gjitha fluturimet.

    Një pjesë e dëmtuar e aeroplanit shihet në lumin Potomak në Uashington.
    Një pjesë e dëmtuar e aeroplanit shihet në lumin Potomak në Uashington.

    Çfarë ndodhi?

    Rreth orës 21:00 të së mërkurës, sipas kohës lokale, një aeroplan i kompanisë PSA Airlines, duke operuar si American Airlines 5432, është përplasur me një helikopter të ushtrisë amerikane, teksa i është afruar aeroportit Ronald Reagan, sipas Administratës Federale të Aviacionit.

    Aeroplani i pasagjerëve, i llojit Bombardier CRJ700, është nisur nga Kansasi.

    Në të kanë qenë 60 pasagjerë dhe katër anëtarë të bordit, sipas American Airlines.

    Pentagoni ka thënë se helikopteri ka qenë i tipit Sikorsky H-60, i cili ishte nisur nga Virxhinia. Tre ushtarë kanë qenë në bord, sipas rrjetit televiziv, CBS.

    Administrata Federale e Aviacionit ka thënë se do ta hetojë incidentin, bashkë me Bordin Kombëtar për Siguri të Transportit.

    A ka viktima?

    Nuk ka raportime zyrtare për viktima. Në raportimet fillestare në mediat amerikane është thënë se aeroplani i pasagjerëve është ndarë në dysh në lumin Potomak, ndërsa helikopteri është përmbysur në ujë.

    Policia dhe departamenti i zjarrfikësve janë duke kërkuar në lumë për të mbijetuarit.

    Përpjekjet për kërkim-shpëtim mund të shihen nga aeroporti Ronald Reagan, që është afër lumit.

    Temperaturat e ulëta janë duke vështirësuar punën e ekipeve për kërkim-shpëtim.
    Temperaturat e ulëta janë duke vështirësuar punën e ekipeve për kërkim-shpëtim.

    Çfarë kanë thënë dëshmitarët?

    Ari Schulman ka thënë për NBC Washington se e ka parë përplasjen e aeroplanit teksa ka qenë duke vozitur me makinë në afërsi të aeroportit.

    Ai ka thënë se ulja e aeroplanit është dukur normale, derisa ka parë një dritë të madhe në qiell, si pasojë e përplasjes.

    Deklarimet e zyrtarëve

    Presidenti amerikan, Donald Trump ka thënë se është informuar plotësisht për “aksidentin e tmerrshëm” dhe që është duke vëzhguar situatën nga afër.

    “Zoti i bekoftë shpirtrat e tyre”, ka thënë ai përmes një deklarate.

    Trump i ka falënderuar ekipet e kërkim-shpëtimit për punë e bërë.

    Nënpresidenti J.D Vance ka bërë thirrje për t’u lutur për ata që janë përfshirë në incident.

    Sekretari i Mbrojtjes, Pete Hegseth dhe Sekretari i Transportit, Sean Duffy, të cilët sapo janë emëruar në pozitat e tyre, kanë thënë se janë duke monitoruar situatën.

    Shefi i kompanisë American Airlines, Robert Isom, ka shprehur “dhimbje të thellë” për përplasjen.

    Presidentja e Kosovës, Vjosa Osmani ka thënë se është thellësisht e mërzitur për rrëzimin e aeroplanit dhe ka ngushëlluar familjarët që mund të kenë humbur dikë të afërt si pasojë e incidentit.

    “Kosova është me ju në këtë periudhë zemërthyese”, ka thënë ajo përmes një postimi në X – platformë e njohur më parë si Twitter.

    Kampionët rusë të patinazhit Naumov dhe Shishkova raportohet se ishin në mesin e pasagjerëve

    Ish-kampionët botërorë rusë të patinazhit, Vadim Naumov dhe gruaja e tij, Evgenia Shishkova, raportohet të jenë në mesin e viktimave si pasojë e rrëzimit të aeroplanit.

    Agjencia shtetërore e lajmeve në Rusi, TASS dhe uebfaqja ruse e sportit, Sports.ru, kanë cituar burimet e tyre të kenë thënë se Naumov dhe Shishkova, të cilët kanë fituar medalje të arta në Kampionatin Botëror më 1994, kanë qenë në aeroplan.

    Në foto: Vadim Naumov dhe Evgenia Shishkova.
    Në foto: Vadim Naumov dhe Evgenia Shishkova.

    Çifti është shpërngulur në Shtetet e Bashkuara pasi kanë përfunduar karrierën dhe janë bërë trajnerë në fushën e patinazhit.

    Djali i tyre 23-vjeçar, Maximi, është shtetas amerikan që garon për Shtetet e Bashkuara në gara ndërkombëtare.

    Ai është shpallur kampion kombëtar i të rinjve më 2020.

    Shtetet e Bashkuara nuk kanë regjistruar ndonjë aksident me aeroplanë pasagjerësh qysh prej shkurtit të vitit 2009, ndonëse një mori incidentesh në vjetët e fundit kanë rritur shqetësimet për sigurinë.

    Nga Rubrika
    Lajme19 Shkurt 2025
    Hasan Shala, ish-kryetar i Gjykatë֝s së Apelit për FrontOnline, kërkesën e PRSK-së, bërë pranë Gjykatës Themelore që Albin Kurti, të paraqitet në...
    Lajme19 Shkurt 2025
    Kryeministri Albin Kurti, ka pranuar letër urimi nga homologu bullgar, Rosen Zhelyazkov me rastin e 17-vjetorit të shtetësisë së Kosovës “Bullgaria vlerëson...
    Front TV19 Shkurt 2025
    Kanë kaluar dhjetë ditë që nga mbajtja e e zgjedhjeve, por ende nuk ka rezultat përfundimtar për partitë dhe deputetë. Komisioni Qendror...
    Të tjera
    Lajme19 Shkurt 2025
    Sikur në shumë evente kryesore nëpër botë, Devolli Corporation po merr pjesë edhe sivjet në panairin “Gulfood Fair 2025” që po mbahet...
    Lajme19 Shkurt 2025
    Në draft-raportin e Parlamentit Evropian për Kosovën kërkohet heqja e masave të Bashkimit Evropian të vendosura në qershor të viti 2023. “Ftojmë...
    Lajme19 Shkurt 2025
    Ish- deputeti i VV-së, Halil Thaçi, për FrontOnline ka komentuar kërkesën e PRSK-së, bërë pranë Gjykatës Themelore që Albin Kurti, të paraqitet...
    Lajme19 Shkurt 2025
    Teksa procesi i numërimit të votave të kandidatëve për deputet  po shkon drejt fundit, në media kanë dalë lista me shifra preliminare...
    Lajme19 Shkurt 2025
    Kryeministri në detyrë, Albin Kurti në një intervistë të dhënë së fundi ka folur për Administratën Trump dhe emisarin e veçantë për...
    Bota/Rajoni19 Shkurt 2025
    Bild sot ka raportuar se Italia është duke u përgatitur për tërheqjen e mundshme të trupave amerikane nga Kosova. Sipas gazetës së...
    -->

    FrontOnline, © 2025 Të gjitha të drejtat e rezervuara.