Dardan Stublla, burri i ish-ministres së Punëve të Jashtme, Meliza Haradinaj-Stublla, ka reaguar ndaj deklaratave të nënkryetarit të Aleancës për Ardhmërinë e Kosovës (AAK), Pal Lekaj.
Stublla përmes një postimi në llogarinë e tij në Facebook, ka ofenduar Pal Lekaj duke e quajtur njeri me trurin e kufizuar, transmeton lajmi.net.
“Turpi ska kufi!!!! Kur është bërë Pal Lekaj me trurin e kufizuar që e fut në punë vetëm për mallverëzime dhe tender, ta vlerësojë dikën atëhërë e sheh se ku është vendi. Krijo një skenar me ata tut cka me thon para …… Nr 12 008 sipas Palit 000 Nr 47 119 sipas Palit 019”, ka shkruar Stublla.
Ky reagim vjen pas deklaratës së Lekajt i cili tha për se Meliza Haradinaj-Stublla ka qenë e vlerësuar nga të gjithë anëtarët e AAK-së.
Sipas tij ajo ka pasur gjithmonë mbështetjen e Ramush Haradinajt.
“Ne Melizën e kemi vlerësuar për punë dhe bashkëpunim, por edhe për kontributin që ka dhënë në Aleancën për Ardhmërinë e Kosovës. Sa i përket gjërave të tjera nuk e di se ku ka aludu ngase ajo ka pasur çdoherë mbështetjen e kryetarit z.Haradinajt dhe të gjitha strukturave të AAK-së për pozitat që ka ushtruar në Institucionet e Kosovës”, ka thënë Lekaj.
Edhe vet Meliza ka hedhur akuza të rënda për Lekajn, por nuk ia ka përmendur emrin.
