Iggy Azalea ndihet “e vetmuar”. Bukuroshja e muzikës rep, ka shfrytëzuar Twitter-in për të zbuluar se ajo ndihet e keqkuptuar dhe ka pranuar se ndihet e izoluar mes pandemisë së koronavirusit.
Iggy 30-vjeçe, e cila qershorin e kaluar është bërë nënë pasi ka lindur djalin Onyx Kelly, ka shkruar: “Kjo është kaq melodramatike, por ndonjëherë unë me të vërtetë ndihem sikur askush në këtë planet nuk më kupton mua dhe është një vetmi sa më ska”.
Iggy gjithashtu la të kuptohet për vetminë e saj edhe kohë më parë. Ylli i muzikës e cila në të kaluarën ishte në lidhje me reperin Playboy Carti, babai i djalit të saj, dhe me basketbollistin Nick Young, është shprehur: “Të dashurit bëhen të huaj dhe unë e urrej atë, sepse nuk dua të jem vetëm”. Në anën tjetër, Iggy këmbënguli në fillim të këtij muaji që ajo ndihet “100 herë më e lumtur” se vitin e kaluar.
Ajo gjithashtu konfirmoi se ajo po shijon jetën e saj si një grua beqare. Biondja atraktive, e cila u nda nga Playboy Carti vitin e kaluar, më pas këmbënguli se nuk është e dëshpëruar të gjejë një të dashur të ri së shpejti, duke zbuluar se gjëra tjera ishin në krye të listës së prioriteteve të saj. “Unë kam një listë të gjërave me të cilat dua të merrem dhe një mashkull i ri thjeshtë nuk është në toplistë”, ka përfunduar ajo./FrontOnline/