×
  • Lajme
  • Lajme

    “3 muaj tranzicion”, BQK njofton për një plan të ri për heqjen e dinarit nga përdorimi

    FrontOnline
    12 Shkurt 2024

    Banka Qendrore e Kosovës (BQK) ka njoftuar të hënën se faza e tranzicionit të zbatimit të rregullores së saj, e cila e ndalon përdorimin e dinarit serb, nuk mund të zgjasë më shumë se tre muaj.

    Në një njoftim për media të hënën, BQK-ja njoftoi se ka hartuar një plan të ri për zbatim të lehtësuar të efekteve të rregullores për operacione me para të gatshme në komunitete të caktuara.

    BQK në kuadër të veprimeve të saj për zbatim të lehtësuar të efekteve të rregullores për operacione me para të gatshme në komunitete të caktuara, njofton opinionin publik lidhur me Planin me veprime shtesë të cilat pritet të realizohen në një afat sa më të shkurtër, por jo më gjatë se tre (3) muaj, në bashkëpunim edhe me bankat dhe institucionet tjera financiare:

    1. Funksionalizimi i linjës së telefonit pa pagesë (0800-222-55), e-mailit për ankesa, si dhe numrit të dedikuar në ‘viber’
    2. Lehtësimi i kushteve për hapjen e llogarive bankare, në raste specifike në komunat me shumicë serbe, veçanërisht në katër komunat veriore, me mundësi të kompletimit të dokumenteve (dëshmi të adresës) edhe pas hapjes dhe aktivizimit të llogarisë
    3. Pezullimi i përkohshëm i tarifës të BQK-së e aplikueshme për hapje të degëve/zyrave, për të inkurajuar institucionet financiare jobankare (me theks për këmbimore) të licencuara për hapjen e zyrave në Komunat e Kosovës me shumicë serbe, veçanërisht në katër komunat veriore
    4. Zgjerimi i prezencës me degë bankare jobankare për mbulimin me degë shtesë dhe rritje të ofrimit të shërbimeve financiare në komunat në veri të vendit
    5. Organizimi i ofrimit të shërbimeve bankare (hapje e llogarisë) në mënyrë mobile nga bankat komerciale (remote banking) në secilën nga katër komunat veriore, në mënyrë të organizuar me qëllim të jenë sa më afër qytetarëve
    6. Vendosja e disa bankomatëve (ATM) si dhe pajisjeve tjera për pagesa elektronike (POS), apo vet-shërbime financiare,
    7. Lehtësimi i procesit të këmbimit të dinarëve me EURO nga institucionet financiare dhe këmbimoret të licencuara
    8. Vazhdimi i aktivitetit të intensifikuar promovues, me materiale të personalizuara dhe thjeshtëzuara, video mesazheve, si dhe edukimit financiar të fokusuar
    9. Rritja e qasjes në financa, rritja e mëtejshme e kreditimit dhe pakove tjera financiare të fokusuara në këto zona nga institucionet financiare
    10. Rishikimi i kushteve të konvertimit me trajtim preferencial gjatë pranimit të fondeve dhe tërheqjes në bankomate (ATM) me kartela të skemave ndërkombëtare të lëshuara jashtë Kosovës

    Këto veprime ndërmerren krahas angazhimit konstruktiv, në lehtësimin e mekanizmit të transferimit të mjeteve në mënyrë sa më efikase nga Serbia në Kosovë, përmes llogarive bankare dhe modeleve tashmë të njohura, të paraqitur në letrën e propozimit të BQK-së, me gatishmërinë për të shqyrtuar çdo opsion.

    Ky plan kontribuon veçanërisht tek qytetarët me qasje të kufizuar në financa dhe shërbime financiare dhe mundëson rritjen e qasjes në financa të sigurta përmes bankave dhe institucioneve financiare jobankare, gjithpërfshirjen financiare dhe mbrojtjen e tyre nga aktivitetet financiare të pashëndosha, si angazhime të vazhdueshme të BQK-së mbi bazën e praktikave më të mira evropiane.

    Zyrtare: Dyshekët e Comoditas produktet më të eksportuara nga Kosova për vitin 2023, dyfish më shumë se tjerët
    Nga Rubrika
    Lajme27 Shkurt 2024
    Kryetari i Prishtinës, Përparim Rama u shpreh se sot i drejtohet qytetarëve, pasi që siç tha ai “mjaftueshëm i jemi drejtuar njëri-tjetrit...
    Kronika27 Shkurt 2024
    Policia e Kosovës po kërkon bashkëpunimin e qytetarëve për të arrestuar një femër në Prishtinë. E dyshuara kërkohet për përfshirje në një...
    Lajme27 Shkurt 2024
    Çështja e dinarit nuk është dashur të kthehet në çështje politike. Kështu, po thotë ish-zv.guvernatori i BQK-së, Fatmir Gashi. Kurse, kur është...
    Të tjera
    Lajme27 Shkurt 2024
    Dogana e Kosovës ka konfiskuar 90 palë atlete, që dyshohet se janë të falsifikuara si “NIKE”, “ADIDAS” e “AIR JORDAN”. Siç njofton...
    Sport27 Shkurt 2024
    Klubi katalunas, Barcelona ende shpreson në titullin kampion në La Liga për sezonin 2024/25 dhe kështu i ka vendosur vetes një objektiv...
    Bota/Rajoni27 Shkurt 2024
    Një tërmet me magnitudë 4.6 Rihter tronditi Turqinë pasditen e së martës. Sipas informacioneve të fundit të publikuara nga AFAD, tërmeti ndodh...
    Ekonomi27 Shkurt 2024
    Ish-zv/guvernatori i Bankës Qendrore të Kosovës, Fatmir Gashi ka deklaruar se çështja e dinarit nuk është dashtë të bëhet pjesë e dialogut....
    Bota/Rajoni27 Shkurt 2024
    Komisioneri Evropian për Zgjerim, Oliver Varhelyi tha sot pas takimit me presidentin malazez, Jakov Milatoviq se Mali i Zi është vendi kandidat...
    Vip27 Shkurt 2024
    Sara, Gazi, Egla dhe Juli janë katër banorët e Big Brother VIP në nominim këtë javë. Njëri prej tyre do lë shtëpinë...

    FrontOnline, © 2024 Të gjitha të drejtat e rezervuara.