Ish-kandidatja bjelloruse për presidente, Svetlana Tikhanovskaya ka nisur të fillojë të formojë një qeveri hije, sipas kanalit të saj në Telegram.
“Tikhanovskaya emëroi Garri Pogonyailo, një avokat i shquar dhe aktivist për të drejtat e njeriut, komisioner për të drejtat e njeriut, ndërsa Ales Alekhnovich u emërua komisioner për reformat ekonomike”, thuhet në deklaratë.
Pogonyailo ka punuar si avokat në shumë çështje të të drejtave të njeriut në Bjellorusi, përfshirë rastet e gazetarëve Pavel Sheremet dhe Dmitri Zavadsky.
Ai ishte nënkryetar i Komitetit bjellorus të Helsinkit për më shumë se 20 vjet.
Alekhnovich është nënkryetar i qendrës së analizës CASE-Bjellorusi, e cila studion ekonominë dhe zhvillon reformat ekonomike për Bjellorusinë.
“Regjimi i Aleksander Lukashenkos nuk është vetëm i paligjshëm, por ai nuk i kryen më detyrat e tij. Ne nuk mund të rrimë pa bërë asgjë teksa shikojmë vendin e zhytur në krizë”, theksoi Tikhanovskaya.
