Presidenti amerikan Joseph Biden tha se Izraeli do të ishte gati për një armëpushim në Gaza gjatë muajit të shenjtë të Ramazanit nëse arrihet një marrëveshje për të liruar disa nga pengjet e mbajtura nga ekstremistët e Hamasit.

Negociatorët nga SHBA, Egjipti dhe Katari po punojnë për një marrëveshje që do të bënte që Hamasi të lirojë disa nga dhjetëra pengjet që po mban në Gaza në këmbim të të burgosurve palestinezë në burgjet izraelite dhe një armëpushim gjashtëjavor.

Gjatë asaj periudhe do të vazhdonin negociatat për lirimin e pengjeve të mbetura.

Izraeli ende nuk i është përgjigjur deklaratës së Biden, të lëshuar më herët sot.

Ramazani, i cili fillon rreth datës 10 mars, konsiderohet si një afat jozyrtar për marrëveshjen e armëpushimit.

Është një kohë kur qindra miliona muslimanë në mbarë botën falen dhe agjërojnë nga agimi deri në muzg./FrontOnline/