Në një intervistë me ‘Harper’s Bazaar’, Byonce Knowles foli për punën dhe suksesin e saj ndër vite. Ndër të tjera, ajo tha se gjithmonë ka luftuar për të mbrojtur privatësinë e saj sepse cilësia e jetës së saj varet nga ajo.
“Unë jam e rezervuar, përveç njerëzve që i dua dhe u besoj. Ata që nuk më njohin dhe nuk më kanë takuar kurrë mund të më perceptojnë si një person mjaft të mbyllur”, tha Beyonce, transmeton FrontOnline.
“Në këtë biznes kaq shumë nga jeta juaj nuk ju përket juve nëse nuk luftoni për të. Më besoni, arsyeja pse njerëzit nuk shohin gjëra të caktuara për mua është se Virgjëresha në mua nuk dëshiron që ata ta shohin atë, jo sepse nuk ekziston”, shtoi këngëtarja. Ajo tha se me karrierën e saj, sfida më e madhe ishte prindërimi.
“Unë mendoj, si shumë gra, ndjeva presion për të qenë shtylla kurrizore e familjes sime dhe e shoqërisë sime dhe nuk e kuptova se sa ndikonte në mirëqenien time mendore dhe fizike. Unë nuk isha gjithmonë një përparësi për veten time”, tha Beyonce.
“Unë jam duke luftuar me pagjumësinë për më shumë se gjysmën e jetës sime për shkak të turneut. Ka vite të tëra të humbjes së muskujve për shkak të vallëzimit me taka. Gjithashtu, stresi në flokët dhe lëkurën time, nga spërkatjet dhe ngjyrat, nxehtësia e kaçurrelave, vënia e grimit të rëndë, djersitja e rëndë në skenë”, shtoi ajo.
Në fund, ajo tha se përpiqet të rrethohet nga njerëz të sinqertë dhe nga të cilët mund të mësojë diçka. Ajo tha se e mori këmbënguljen nga prindërit e saj që punuan shumë.
Në vitin 2006, Beyonce zbuloi në një intervistë për revistën ‘Parade’ se ishte në depresion të madh pasi grupi i saj ‘Destiny’s Child’ u prish. Ajo tha se nuk dilte nga dhoma e saj, nuk hante dhe ishte shumë e vetmuar.
Atëherë ajo pyeste veten se kush ishte në të vërtetë, cilët ishin miqtë e saj dhe mendoi se sa shumë kishte ndryshuar jeta e saj. Ajo shtoi se në të njëjtën kohë u nda me të dashurin me të cilin ishte në lidhje prej vitesh dhe kishte frikë se nuk do të gjente më dashuri.
Tre vjet më parë, ajo tha se gjatë gjithë karrierës së saj ajo ishte në dieta të shumta, të panevojshme, dhe fokusi i saj ishte në fizik.
“Unë nuk kam ngrënë bukë, karbohidrate, sheqerna, produkte të qumështit, mish, peshk dhe nuk kam konsumuar alkool. Isha e uritur”, tha Beyonce./FrontOnline/
