[wp-story]

Bota/Rajoni

Basha takon biznesmenët në Kamëz: Në planin tonë të pamundurit nuk do të braktisen

Basha takon biznesmenët në Kamëz: Në planin tonë të pamundurit nuk do të braktisen
15:29 | 16 Qershor 2020

Kreu i Partisë Demokratike në Shqipëri Lulzim Basha ka vijuar takimet me qytetarë dhe biznesmenë dhe ndalesa e radhës ishte në zonën e Kamzës.

Kryedemokrati u njoh me shqetësimet e qytetarëve të kësaj zone për situatën e krijuar nga pandemia, derisa premtoi se PD-ja ka një plan që nuk braktis ata që nuk kanë mundësi.

“Qytetarë të papunë, biznese të zhytura në borxhe, taksa dhe fatura të larta si dhe ulja drastike e fuqisë blerëse janë kryefjalë në jetën e çdo fshati, lagjeje dhe qyteti të Shqipërisë. Në 7 vjet Ramavirusi rriti taksat, rriti çmimin e dritave, të ujit, të naftës, tarifat e shkollimit, por nuk rriti paga as pensione, nuk ndërtoi as shkolla, as spitale, as rrugë, por paratë që iu mori qytetarëve, i çoi në xhepat e pesë oligarkëve”.

“Në planin tonë të pamundurit nuk do të braktisen, por do të jetë buxheti i shtetit që do t’iu mundësojë, bukë, ujë e drita siç bën çdo qeveri e përgjegjshme sot në botë. Ne do të ulim taksat në mënyrë që ato para që sot shkojnë ne xhepat e pesë oligarkëve, nesër të kthehen në investime që shtojnë vendet e punës dhe rrisin pagat”, deklaroi Basha./ A2 CNN

“M Sillosi” S’ka nëvojë për panik, grurë ka me bollëk

Të tjera