×
  • Lajme
  • Lajme

    Azemi për grevën në UP: S’lëvizim nga kërkesat tona, pagat të rriten 400 euro

    FrontOnline
    21 Shkurt 2024

    Kryetari i Sindikatës së Punëtorëve të Sektorit Privat, Jusuf Azemi, tha se punëtorët teknik dhe ata të sigurimit fizik të Universitetit të Prishtinës “Hasan Prishtina” nuk do të tërhiqen nga greva deri në plotësimin e kushteve. Nga 250 euro sa i marrin aktualisht, ata po kërkojnë që paga e tyre të jetë 400 euro.

    Greva e punëtorëve teknik dhe fizik ka nisur në të gjitha fakultetet dhe në Qendrën Studentore. Numri total i punëtorëve është 262.

    Edhe pse u është ofruar një rritje prej 15 për qind, Azemi thotë se nuk është e pranueshme pasi rritja e pagës shkon në 320 euro.

    “Ne kemi hyrë në këtë grevë, gjithherë duke luajtur rolin që e kemi deri më tani kemi bërë opsione që të hyjmë në grevë dyditore dhe të presim dialogun deri në këtë moment nuk kemi ndonjë dialog të sinqertë. Sot kemi hyrë në ditën e dytë do të bëjmë grevë nesër dhe pasnesër do të ndryshojmë çështjen e grevës nëse nuk ka diçka që lëviz. Neve na është ofruar një shumë prej 15 për qind rritje të pagave që është për neve shumë qesharake i bie që diku 320 euro dhe në fakt po themi është nënçmim për neve sepse ne në fakt kemi kërkuar që paga jonë të jetë e barabartë me pagën e punëtorëve në sektorin publik që e kryen të njëjtën çështje”, deklaroi kryesindikalisti.

    Azemi tha se grevës do t’i qëndrojnë deri në fund, raporton EO.

    “Ne jemi shumë komod, ne i kemi hyrë në bazë ligjore, ne assesi nuk do të dalim pa u përmbush kërkesa jonë minimale që ajo nënkupton të jetë rreth 400 euro pagë neto. A do të vazhdohet a do të ndalet kjo grevë, është mirë të pyetet rektori, sepse ne kemi diçka të qartë, pa u plotësuar kërkesat tona ne do të qëndrojmë këtu dhe nuk kemi lëvizje assesi sepse po them nuk jemi ata që kemi qenë para dy vitesh kur na ka thënë ‘nëse dëshiron me punu puno, nëse do shko’. Përndryshe ligji mbi greva na garanton qëndrim dhe njëmujor dhe dymujor dhe kemi hyrë me të drejtat tona minimale dhe rektorati është i obliguar nëse atij i konvenon që gjendja të jetë kështu kaotike dhe neve më në fund ne jemi punëtorë këtu por nuk jemi menaxher të por nuk jemi menaxher të rektoratit dhe normal që mjaft kemi punuar për të tjerët tani do të punojmë edhe pse edhe kushtet minimale nuk i mbulon paga minimale që e kemi por megjithatë ne jemi shumë të sinqertë dhe po e kërkojmë atë çka sektori publik iu ka ofruar punëtorëve me të njëjtën veprimtari”, shtoi ai.

    Nga ora 07:00 e mëngjesit të sotëm punëtorët Teknik dhe ata të sigurimit fizik të Universitetit të Prishtinës “Hasan Prishtina”, kanë nisur grevë, Azemi ka njoftuar një ditë më parë se bëhet fjalë për 250 punonjës.

     

    Avokati i Popullit Naim Qelaj dhe përfaqësueset e UN Women Kosovo vizitë në KEDS
    Nga Rubrika
    Lajme19 Prill 2024
    Zëdhënësi i Bashkimit Evropian, Peter, Stano, tha për Radion Evropa e Lirë të premten se ngjarjet e fundit, që kanë të bëjnë...
    Lajme19 Prill 2024
    Përfaqësuesi special i BE-së për dialogun ndërmjet Kosovës dhe Serbisë, Mirosllav Lajçak, ka thënë se në shoqëritë e Kosovës dhe të Serbisë...
    Lajme19 Prill 2024
    Ministria e Punëve të Jashtme dhe Diasporës e Kosovës, ka konfirmuar arrestimin nga policia serbe të shtetasit kosovar dhe asaj britanike, Sadik...
    Të tjera
    Lajme19 Prill 2024
    Policia e Kosovës ka arrestuar sot në Ferizaj një shtetas të Maqedonisë së Veriut, i cili ishte në kërkim ndërkombëtar nga autoritetet...
    Bota/Rajoni19 Prill 2024
    Policia suedeze ka qëlluar dhe arrestuar një burrë që dyshohet se ka plagosur tre gra me një objekt të mprehtë në Vasteras,...
    Lajme19 Prill 2024
    Njësiti i hetimeve të stacionit policor të Drenasit, me autorizim nga prokuroria kompetente, kërkon ndihmë në ofrimin e informatave, të cilat do...
    Lajme19 Prill 2024
    Presidentja e Kosovës, Vjosa Osmani kujtoi përvjetorin e masakrave në rajonin e Gollakut, ku forcat serbe vranë 115 civilë shqiptarë, fëmijë, gra...
    Lajme19 Prill 2024
    Bashkimi Evropian i ka përsëritur thirrjet të premten që të mos mohohet gjenocidi në Srebrenicë, në një kohë kur është duke u...
    Lajme19 Prill 2024
    Ish-kryeministri Isa Mustafa i ka reaguar kryeministrit Albin Kurti për një deklaratë që ai e bëri sot në 11 vjetorin e Marrëveshjes...

    FrontOnline, © 2024 Të gjitha të drejtat e rezervuara.