Një autobus largohet nga stacioni dhe fillon udhëtimin. Por, personi që qëndron prapa timonit nuk është shoferi – ata thjesht janë operatorë të sigurisë.
Autobusi mund të vozitë vet, shkruan AP.
New Taipei City është një nga qytetet e mëdha në Tajvan që është duke e testuar këtë teknologji për ta zgjeruar rrjetin e transportit publik.
“Disa sensorë janë montuar në pjesën e jashtme të autobusit në mënyrë që ai ta dijë se çfarë po ndodh përreth dhe e ndihmojnë autobusin të marrë vendime”, shpjegon Liu Chia-ching, drejtor i marketingut në Kingwaytek Technology Co. Ltd, një kompani e cila harton dhe prodhon softuer navigimi.
Përdorimi i sensorëve, përfshirë lidarët (detektimi i dritës dhe qarkut), radarët, video-kamerat, autobusi është në gjendje të vozisë në linjë të drejtë, të ndalet në semaforë, si dhe të kryejë kthesat pa ndërhyrjen e njeriut.
Një operator sigurie monitoron veprimet e autobusit, transmeton KOHA.
Sensorët e vendosur në pikat përgjatë rrugëve ndihmon në drejtimin e autobusit gjatë rrugëtimit.
Huang Li-ya, zyrtare e lartë ekzekutive në Departamentin e Transportit të New Taipei City, thotë se automjetet janë në fazën e parë të zhvillimit, por sheh potencial që ata të përmirësojnë transportin.
“Industria e transportit ka mungesë të shoferëve. Gjithashtu shpresojmë që ta përdorim sa më mirë teknologjinë e tillë të integruar në zgjerimin e shërbimeve të transportit masiv për të zëvendësuar mungesën e shoferëve”, thotë ajo.
Përveç Taipei Cityt dhe New Taipei City në veri, gjithashtu edhe qytete të tjera tajvaneze në qendër dhe në jug janë duke e zhvilluar teknologjinë e autobusëve vetëvozitës.
