Astronautët po kthehen në tokë

Dy astronautët amerikanë që u nisën në fund të majit drejt hapësirës kanë nisur kthimin në tokë, pas misionit të tyre që shënoio një erë të re në fluturimet hapësinore amerikane, të cilat ishin ndërprerë që prej vitit 2011.

Astronautët amerikanë Doug Hurley dhe Bob Behnken kanë nisur rikthimin në tokë pas misionit të tyre të nisur në fund të muajit maj.

Ata kanë shkëputur kapsulën e tyre Dragon Endeavour nga stacioni hapësinor ndërkombëtar për të filluar udhëtimin e kthimit, raporton Ora News.

Dy astronautët pritet të zbresin në brigjet e floridës dhe një ulje e suksesshme do të thoshte që Amerika, është rikthyer në shërbim.

Kjo aftësi humbi kur vendi tërhoqi raketat e tij në 2011. Agjencia hapsinore amerikane, Nasa, tha se partneri i saj tregtar, Space X, ka zgjedhur një vend uljeje larg uraganit Isaias, që duket se do të përshkojë të dielën brigjet lindore të floridës.

Mjetet e pritjes janë tashmë në vend, në floridën perëndimore. Janë mbushur 45 vite që kur kapsula e fundit amerikane, me ekuipazh, u ul në oqean. Asokohe ishte një kapsulë Apollo që u kthye në paqësor.

Dy astronautët, mbërritën në stacionin hapsinor gati dy muaj më parë. Nisja e tyre në një raketë Falcon 9, të ofruar sërish nga space X, hapi një erë të re në fluturimet hapsinore amerikane.

NASA ka vendosur që të mos ketë më mjete transporti në orbitën e poshtme të tokës, duke zgjedhur ta blejë këtë shërbim nga partnerët komercialë. Kompania Space X nga kalifornia, është ofruesja e parë e saj.

Pjesa më e madhe e mjeteve, përfshirë pjesë të raketës Falcon, janë të ripërdorshme. E kjo, sipas administratorit të NASA-s, jim bridestine, ka reduktuar kostot. Edhe kompania Boeing po ashtu po punon për shërbimin taksi drejt stacionit hapsinor, por ka regjistruar disa vonesa pas disa problemeve në softëuere në kapsulën e saj starliner.

Auto Mita me një mundësi të mirë për bizneset – për çdo veturë të re, SERVISI FALAS deri në 100…

Sponsoruar