Në filmin e fundit për agjentin britanik James Bond, i quajtur “No Time To Die”, shfaqen modele të Aston Martin nga periudha të ndryshme dhe njëra prej tyre u shit në ankand për një shifër milionëshe.

Është një kopje e modelit DB5 që është përdorur për xhirime dhe është shitur për 3.2 milionë dollarë, pra më shtrenjtë se modelet origjinale që shiten në treg. Është një nga tetë makinat e prodhuara nga Aston Martin për xhirimet e filmit. Pajisjet funksionale të tilla si targa rrotulluese, armë dhe të ngjashme janë pjesë e makinës.

Megjithatë, nuk është i vetmi Aston Martin i shitur, sepse V8 Vantage klasik i vitit 1981, i cili u përdor edhe në filmin “No Time To Die”, mori një pronar të ri dhe u shit për 703,000 dollarë. DBS Superleggera 007 Edition ka arritur një çmim prej 449,000 dollarë. Të gjitha fondet shkojnë për qëllime humanitare./FrontOnline/