Sazan Ibrahimi, drejtori ekzekutiv i Asociacionit të Komunave të Kosovës është deklaruar pas mbledhjes së MSH’së se pushteti qëndror nuk ka pasur koordinim me atë lokal për masat e reja të ndërmarra nga institucioni shëndetësor, raporton Front Online.
“Deri më tani, çdo vendim mbi masat e reja është bërë në konsultim me komunat. Komunat në këtë rast ende nuk janë konsultuar për çfardo mase të re”, ka deklaruar Ibrahimi.
“Kryetarët e komunave gjithnjë deri më tani kanë treguar gatishmëri të lartë për të bashkëpunuar me nivelin qëndror në mënyrë që të shpëtohet jeta e qytetarit”, ka shtuar tutje ai.
Shpresoj që ditëve në vijim do të ketë një takim dhe do të ketë koordinim në mes të Ministrisë së Shëndetësisë dhe mivelit lokal”, ka Ibrahimi për Front Online.
Nga java e ardhshme pritet që të ketë mbyllje totale për 12 ditë të gastronomisë dhe qendrave tregtare.
Në takimin që ministri Arben Vitia ka pasur me kryetarin e Shoqatës së Gastronomëve të Kosovës, Petrit Kllokoqi është diskutuar edhe ora policore.
“Gastronomia dhe qendrat tregtare do të mbyllen për 12 ditë duke filluar nga java e ardhshme, teksa është disktutuar edhe ora policore por që nuk është marrë ende ndonjë vendim”, tha Kllokoqi./Front Online/
Lexo edhe:
