Policia e Kosovës ka arrestuar një person pasi të njëjtit i janë gjetur substanca narkotike, raporton Front Online.

“Rr. “Lezha Vaganicë” 15.10.2020 – 13:00. Është ndaluar dhe është arrestuar një i dyshuar m/k dhe gjatë kontrollit në trupin e tij i janë gjetur dhe janë konfiskuar dy qese me substancë të dyshuar narkotike marihuanë, ndërsa në shtëpinë e tij i janë gjetur edhe sasi tjera të substancës narkotike në pesha të vogla, disa fara të kanabisit, peshore digjitale dhe një telefon, të gjitha këto janë konfiskuar. Me urdhër të prokurorit i dyshuari është dërguar në mbajtje”, është thënë në raportin 24 orësh të policisë./Front Online/