Policia e Kosovës, pas hetimeve disa mujore, ka arritur të sigurojë dëshmi se një zyrtar pranë komunës së Novobërdës ka falsifikuar listën e vijueshmërisë së punëtorëve për paraqitje në punë, me qëllim të përfitimit material.
Në një njoftim për media thuhet se personi në fjalë, i cili me këtë rast është arrestuar, me veprimet e tij dyshohet se ka përfituar shumën prej rreth 2 mijë eurosh dhe në anën tjetër duke e dëmtuar buxhetin e komunës.
Policia e Kosovës thotë se do të vazhdojë me ndërmarrjen e veprimeve dhe masave ligjore ndaj të gjithë personave që bien ndesh me ligjet dhe procedurat ligjore./FrontOnline
