Policia e Kosovës ka konfirmuar se dy persona janë arrestuar në lidhje me vrasjen e Liridona Murselit.
Nacionale ka marrë vesh nga burimet se dy të arrestuarit janë Naim Murseli, bashkëshorti i Liridonës, dhe një person tjetër që dyshohet për vrasjen e saj.
Poashtu, rastin për Front Online e ka konfirmuar zëdhënësja e Policisë së Kosovës për Rajonin e Prishtinës, Flora Ahmeti.
“Pas përfundimit të ekzaminimit të vendit të ngjarjes, janë ndërmarrë veprime intensive hetimore të cilat kanë rezultuar në arrestimin e dy personave të dyshuar lidhur me rastin”, ka thënë Ahmeti.
Ajo thekoi se njësiti i hetimeve të përgjithshme të Prishtinës në koordinim me Prokurorinë është duke e vazhduar operacionin e bastisjes në dy lokacione në Gjakovë.
Nacionale gjatë ditës ka qëndruar në Cermjan të Gjakovës, ku është kryer ceremonia mortore e Liridonës. Në pamje shihet edhe bashkëshorti i saj, Naimi, i cili tashmë është arrestuar.