Policia e Kosovës ka arrestuar në rrugën Prishtinë-Fushë Kosovë, një person të dyshuar për vjedhje të veturës. 34-vjeçari me inicialet V.L, është ndaluar nga njësiti i trafikut derisa ishte duke lëvizur me veturë.

Arrestimin e tij e ka konfirmuar zëdhënësi i Policisë për Rajonin e Prishtinës, Agron Borovci.

“Menjëherë pas ndalimit policia ka kryer verifikimet e nevojshme për të dyshuarin dhe automjetin dhe të dhënat kanë rezultuar se i njëjti është person i shpallur në kërkim për një rast të vjedhjes së veturës të ndodhur në rajonin e Pejës me datën 09.12.2020, dhe pikërisht vetura të cilën po e drejtonte ishte vetura e raportuar si e vjedhur. Mbështetur në të dhënat e verifikuara i dyshuari është arrestuar menjëherë nga ana e policisë ndërkaq vetura është sekuestruar”, ka thënë Borovci.