Janë arsyetuar dy persona të dyshuar për grabitje të armatosur.
Kështu ka bërë të ditur para pak çastesh Policia e Kosovës.
Tutje në komunikatën e policisë thuhet se ndaj të dyshuarve po kryhen procedurat e nevojshme në koordinim me prokurorinë përkatëse.
Më poshtë edhe komunikata e plotë.
Prishtinë, 12 mars 2021 – Drejtoria Rajonale e Policisë së Prishtinës ka ndërmarrë të gjitha veprimet e nevojshme hetimore e operative me qëllim goditjen dhe kapjen e individëve dhe grupeve kriminale që kohën e fundit kanë qenë të implikuar në kryerjen e veprave të grabitjeve të armatosura.
Hetuesit nga njësiti i hetimeve të përgjithshme të Prishtinës, konkretizuan sot punën e tyre hetimore e cila rezultoi me arrestimin e dy personave që dyshohen me bazë të jenë përfshirë në grabitjen e armatosur më datë 17.02.2021, në një pompë derivatesh në fshatin Vragoli, ku nën kërcënimin e armës, janë grabitur një shumë parash si dhe në tentim grabitjen e ndodhur me 10.03.2021, në po të njëjtin lokacion.
Pas identifikimt të personave, hetuesit policor mbrëmë kanë arritë të arrestojnë njërin nga personat e dyshuar: – A.R mashkull 28 vjeç, shtetas i Republikës së Kosovës, si dhe të lënë ftesë për paraqitje të detyrueshme në polici për të dyshuarin e dytë.
Personi i dytë i dyshuar:
– B. Sh mashkull 19 vjeç, shtetas i Republikës së Kosovës sot i është përgjigjur ftesës së policisë dhe pas intervistimit me urdhër të prokurorit i është shqiptuar masa e ndalimit si dhe i është sekuestruar një armë e tipi Zoraki .
Ndaj personave të dyshuar po kryhen procedurat e nevojshme në koordinim me prokurorinë përkatëse, ndërkohë që hetuesit janë në kërkim të dy personave tjerë të dyshuar të cilët dyshohet me bazë të jenë pjesë e këtij grupi.
