Vetëm kur mendojmë se asgjë nuk mund të na befasojë më, një histori spiune e denjë për James Bond arrin nga SHBA.

Apple ndihmoi qeverinë amerikane të bënte një version të iPod që shërben si një pajisje spiune.

Ish-punonjësi i Apple, David Scheyer, në një tekst të gjatë për Tidbits, zbuloi se në vitin 2005, dy persona nga kompania “Bechtel”, në emër të Ministrisë së Energjisë kontaktuan Apple.

Ata dyshohet se kishin nevojë për ndihmë për një iPod që do të dukej dhe funksiononte si një i vërtetë, por do të kishin brenda tij sensorë sekret për të regjistruar të dhëna.

Vetëm katër vetë dinin për të gjithë projektin. Inxhinierët ndihmuan në hartimin dhe krijimin e një versioni të veçantë të softuerit iPod që do të plotësonte kërkesat “sekrete”.

“Ata donin të shtonin pajisje speciale në iPod dhe të regjistronin të dhëna në të, por në një mënyrë që ishte e pamundur të zbulohej. Dhe iPod prapë duhej të dukej krejt i zakonshëm,” shpjegoi Scheer.