Kryeministri i Kosovës, Albin Kurti, ka njoftuar për investimin që Qeveria e Kosovës po e bën në rrugën Komora-Drenas-Skenderaj.

Kurti ka thënë se shpronësimi i pronave ka shkaktuar vonesa në realizimin e këtij procesi.

Për të vëzhguar punimet në terren kanë dalë ministri Liburn Aliu dhe zëvëndësi i tij, Hysen Durmishi.

Njoftimi i Kurtit:

Rruga Komoran-Drenas-Skenderaj po zgjerohet.

Po angazhohemi që t’i zgjidhim të gjitha problemet një nga një, përfshirë këtu edhe shpronësimin e pronave, që na solli vonesa në këtë rrugë. Më e mira është që punimet po zhvillohen për së mbari, e kështu zgjerimi i rrugës të përfundojnë sa më parë.

Për këtë projekt kemi ndarë:

– 13 milionë euro për vitin 2024,

– 15 milionë euro për vitin 2025.