Aleanca për Mbrojtjen e Teatrit do të protestojë nesër para Prokurorisë. Kjo u bë e ditur në fund të protestës së sotme nga regjisori Robert Budina.

Ai njoftoi se në ditët në vazhdim do të ketë aktivitete në shumë qytete të vendit ku do të firmoset peticioni që kërkon rindërtimin e Teatrit Kombëtar siç ishte dhe në vendin ku ishte.

“Nesër në orën 11:00 jeni të ftuar para SPAK ti nxisim të fillojnë hetimet. Nga dita e pasnesërme do dalim qytet më qytet të mbledhin firmat që teatri të jetë aty ku duhet.

Nëse nuk reagon prokuroria do bëjmë me dije si do veprojmë. Ne do fitojmë me paqe dhe qytetari. Se kur do të vazhdojmë në Tiranë do ua bëjmë me dije”, u shpreh Budina.