Kryetari i Lëvizjes Vetëvendsoje, Albin Kurti ka uruar që të lënduarit në shpërthimin në Ferizaj të shërohen sa më shpejtë.

Shpërthimi i sotëm në Ferizaj edhe ai i para një jave në rrugën Prishtinë-Ferizaj thotë se janë alarm për autoritetet lokale e qëndrore që të vihen në krye të detyrës për inspektimin e lokaleve.

Këto ngjarje, thotë ai nuk mund të quhen fatkeqësi e nuk do duhej të ndodhnin. shteti është mbikqyrje e mirë thotë ai.

Postimi i tij i plotë:

Një javë pas shpërthimit të bombolës së gazit në rrugën Prishtinë-Ferizaj, afër një lagjeje private ku mbetën 12 të lënduar, sot morëm lajmin tragjik për shpërthimin e një bombole të ngjashme në Ferizaj, prej ku 15 dërguan për trajtim në QKUK, kurse tre të tjerë në kujdes intensiv. Uroj që të lënduarit të shërohen sa më shpejtë e të kthehen te familjarët e tyre me të cilët bashkëndjej në këto momente. Dy shpërthime për një kohë kaq të shkurtër janë alarm për autoritetet lokale dhe qendrore për t’u vënë në krye të detyrës në inspektimin e lokaleve. Këso ngjarje tragjike që janë të shmangshme nuk mund të quhen thjesht fatkeqësi e nuk do të duhej të ndodhnin. Shteti është mbikëqyrje e mirë.