Aktorja Kristina Applegate konfirmoi se ajo ishte diagnostikuar me sklerozë të shumëfishtë – një gjendje e përjetshme që prek trurin dhe nervat, duke shpjeguar se ka qenë një “udhëtim i çuditshëm” deri më tani.
“Unë u diagnostikova me MS disa muaj më parë. Ishte një udhëtim i çuditshëm. Por njerëzit që gjithashtu kanë këtë gjendje më kanë dhënë një mbështetje të jashtëzakonshme”, tha Christina Applegate. Ylli i Hollivudit tha se ajo është duke kërkuar privatësinë tani për tani ndërsa po përballet me diagnozën e saj.
Skleroza e shumëfishtë është një gjendje e përjetshme që dëmton nervat në trup dhe i bën gjërat e përditshme të vështira për pacientët, përfshirë ecjen, të folurit dhe të ngrënit.
Kolegia e Kristina-s, aktorja Selma Blair, gjithashtu foli hapur për luftën e saj me MS, me të cilën u diagnostikua tre vjet më parë.
“Unë kam sklerozë të shumëfishtë. Po përkeqësohem. Me ndihmën e Zotit, fuqinë e vullnetit dhe prodhuesit e Netflix që janë plot mirëkuptim, unë kam një punë. Një punë e mrekullueshme. Unë jam me aftësi të kufizuara. Ndonjëherë bie. Unë i braktis gjërat. Kujtesa ime është e mjegullt”, tha Selma.
