Aktori britanik Henry Cavill po bëhet baba për herë të parë. E dashura e tij Natalie Viscuso është në pritje të një fëmije. Këtë e ka konfirmuar për “Access Hollywood” ish-aktori i “Superman”. Fansat kishin spekuluar më parë se ajo ishte shtatzënë sepse një video e paparacëve në TikTok tregonte stomakun e saj.

“Jam shumë i lumtur për këtë,” tha 40-vjeçari në premierën në Nju Jork të filmit spiun “The Ministry of Ungentlemanly Warfare”, transmeton Indeksonline.

Më tej ai rrëfeu: “Natalie dhe unë jemi të dy shumë të emocionuar”. Kur gazetari u përgjigj se aktori do të ishte padyshim “një baba i shkëlqyer”, Cavill u përgjigj me një buzëqeshje: “Faleminderit”. Ai nuk ka zbuluar ende detaje të tjera, si datën e pritshme të lindjes apo gjininë e foshnjës.

Çifti u pa më parë të kapur për dore në New York City të dielën (14 prill). Viscuso kishte veshur një fustan të zi dhe çizme të ngjashme, ndërsa Henry Cavill ka shoqëruar një xhaketë blu me një bluzë të kuqe dhe pantallona blu./Indeksonline/