Në pasditën e sotme do të fillojë kompeticioni më i madh i futbollit në botë, Kampionati Botëror “Katar 2022”, raporton FrontOnline.

Për herë të parë, Kupa e Botës mbahet në këtë periudhë kohore, pra në dimër, natyrisht shkaku i temperaturave të larta në Katar.

Ndeshja hapëse do të zhvillohet sot nga ora 17:00 mes kombëtares nikoqire, Katarit dhe Ekuadorit, ndeshje e vlefshme për grupin A.

Ndërkaq, tashmë ka nisur edhe ceremonia hapëse, të cilën mund ta shikoni në RTK1.

Nis ceremonia e Kupës së Botës “Katar 2022”, këtu mund ta shikoni direkt

Ceremonia hapëse po mbahet në stadiumin “Al Bayt”, një stadium me kapacitet prej 60 mijë ulësesh dhe 40 kilometra në veri të Dohas.

Në këtë ceremoni hapëse po merr pjesë edhe aktori i mirënjohur, Morgan Freeman që ka dhënë një fjalim të fuqishëm.

Morgan Freeman voice is just legendary🙏🏿🙏🏿 #FIFAWorldCup pic.twitter.com/N9lSB0gapA

— Kimutai Aluda🇰🇪 (@AludaKimutai) November 20, 2022

MORGAN FREEMAN NA CERIMÔNIA DE ABERTURA DA COPA DO MUNDO! #QatarWorldCup2022 pic.twitter.com/7SAoYCbLvH

— CHOQUEI (@choquei) November 20, 2022

Kush do të përformojë në ceremoninë hapëse?

“BTS” nga Korea e Jugut kanë konfirmuar se do të përformojnë në këtë ceremoni.

Këngëtaret nga Katari, Fahad Al-Kubaisi dhe Dana poashtu do të përformojnë sot.

FIFA ka njoftuar se ceremonia do të përfshijë edhe nderime për 32 kombëtaret garuese, nikoqirët e mëhershëm të botëroreve dhe vullnetarët e kësaj ngjarjeje.

Dua Lipa, këngëtarja me prejardhje shqiptare si dhe kolumbiania Shakira kanë njoftuar se nuk do të marrin pjesë duke përformuar në këtë ceremoni.

Kush do të marrë pjesë në këtë ceremoni?

Presidenti ekuadorian, Guillermo Lasso ka thënë se nuk do të marë pjesë në këtë ceremoni për shkaqe të ndryshme, teksa princi i Arabisë Saudite, Mohammed bin Salman ka arritur në Doha të shtunën për të marrë pjesë./FrontOnline/