Pak më parë u raportua se ka ndodhur një vetaksident në një fshat të Podujevës.

Si pasojë e këtij vetaksidenti janë lënduar edhe katër persona.

Lidhur me këtë për Front Online detaje kanë dhënë edhe nga Policia e Kosovë.

Flora Ahmeti zëdhënëse e Policisë për Rajonin e Prishtinës, ka thënë se aksidenti ka ndodhë rreth orës 01:00 pas mesnate.

“Sot rreth orës 01:00 në fshatin Buricë të Podujevës,  ka ndodhë një vet aksident trafiku.  Deri te vet aksidenti ka ardhur përderisa automjeti Golf –VI- me targë Kosove,  ka qenë në lëvizje dhe për shkaqe ende të panjohura vozitësi ka humbë kontrollin mbi automjetin dhe ka devijuar nga rruga. Si pasojë e këtij vet aksidenti katër persona kanë pësuar lëndime trupore dhe të njëjtit janë dërguar në QKUK për trajtimin e nevojshëm mjekësor”, ka thënë Ahmeti për Front Onlne.

Sipas saj, Njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve që kanë sjellë deri te ky vetë aksident./Front Online/