Një aksident trafiku ka ndodhur në orët e pasditës të së mërkurës në komunën e Podujevës, saktësisht në Shajkovc.

Rastin për FrontOnline, e ka konfirmuar zëdhënësi i Policisë për Rajonin e Prishtinës, Agron Borovci.

Si pasojë e aksidentit janë lënduar shtatë persona të cilët janë dërguar për tretman mjekësor.

“Sot  rreth orës 17:30, në hyrje të fshatit Shajkovc të Podujevës ka ndodhur aksident komunikacioni rrugor,  ku kanë qenë të përfshira tri vetura dhe  një traktor”, ka thënë Borovci.

Borovci, ka treguar se me rastin po merret njësiti i trafikut.

“Si pasojë e aksidentit lëndime trupore kanë pësuar 7 persona. Personat e lënduar janë dërguar për tretman mjekësor, ndërkohë që me rastin po merret njësiti i trafikut”, ka thënë ai./FrontOnline/