Koalicionit qeverisës LDK-AAK-NISMA pritet që këtë javë t’i bashkohet Aleanca Kosova e Re (AKR) e Behgjet Pacollit, raporton Front Online.

Sipas burimeve të Front Online partia e Pacollit pritet t’i marr dy ministri në Qeverinë “Hoti”, atë të Integrimeve dhe Ministrinë e Ambientit.

Mundësinë që kjo parti t’i bashkohet koalicionit nuk e hedh poshtë sekretari i saj, Vesel Makolli.

Ai në një prononcim për Front Online thotë se deri më tani nuk ka diçka konkret, por thotë se janë pro asaj që t’i shtyjnë proceset përpara.

“Nuk ka asgjë rreth kësaj situate është më shumë përfolje, por nëse vjen derri të një ristrukturim i Qeverisë atëherë ne nuk do të jemi pengesë. Ne do të veprojmë në frymë e asaj që t’i shtyjmë proceset përpara, por diçka konkrete nuk ka”, deklaroi Makolli për Front Online.

I pyetur se a do t’i takojnë AKR-së dy ministri në rast se do të bëhet pjesë e Qeverisë, Makolli tha se lidhur me këtë nuk ka asgjë konkrete dhe se nuk është biseduar për detaje.

“Nuk kam informata diçka konkrete nuk ka asgjë, për një ri formatim të mundshëm me kyçjen edhe të ndonjë partie që i ka numrat jemi të gatshëm edhe ne të marrim pjesë, por nuk është biseduar në detaje për një gjë të tillë”, tha ai për Front Online.

Javën e kaluar, pas shtatë tentimeve në Kuvend ka kaluar në parim Projektligji për Rimëkmëbje Ekonomike, të cilën e votuan edhe dy deputetët e kësaj partie.

Pas votimit, kreu i AKR-së, Behgjet Pacolli, përmes një shkrimi tregoi se tashmë Qeveria “Hoti” e ka përkrahjen për votim./Front Online/