Aleanca Kosovare e Bizneseve-AKB, Ministria e Punëve të Brendshme e Kosovës dhe Organizata ekonomike SHRBSH nënshkruan Memorandum Bashkëpunimi mes vete me qëllim të përfitimit të Policisë së Kosovës dhe Zjarrfikësve gjatë pushimeve verore-dimërore në Shqipëri me zbritje deri 20%.

Sipas njoftimit, Agim Shahini, Kryetari i AKB-së tha se Kosova është e të gjithë shqiptarëve ashtu edhe Shqipëria por ne duhet të rrisim shkëmbimin e mallrave dhe shërbimeve mes veti si një treg Kombëtar, ku vitin e kaluar arritën vlerën mbi 440 milionë euro.

“AKB është në funksion të bizneseve por edhe të Policisë e Zjarrfikësve se Kosovës ku arritëm ndërmjetësimin në favor të përfitimeve të uniformës Policore dhe Zjarrfikësve deri 20% në Hotelet Shqiptare”, thuhet ne njoftimin e Aleances Kosovare të Bizneseve.

Poashtu i pranishëm ishte edhe Xhelal Sveçla, Ministër i MPB të Republikës së Kosovës, i cili tha se për policët e zjarrfikësit dhe familjarët e tyre është një mbështetje konkrete që të përfitojnë nga kjo marrëveshje zbritje deri 20% por mbi të gjitha është mirënjohje për punën e tyre në shërbim të Sigurisë Kombëtare.

Në anën tjetër, kryetari i SHRBSH, Kujtim Dervishi tha se për Policët e zjarrfikësit dhe familjarët e tyre do ju japim subvencionimi për pushim gjatë 365 ditë në vitë deri 20% zbritje në 45 hotele bujtina dhe restorane shqiptare

“Shqipëria do të jetë edhe këtë vit në konkurencën me shumë vende në Ballkanin Perëndimor por në jemi më të mirë pasi kemi hotele shërbim dhe infrastrukturë fizike të përshtatëshme për pushuesit Kosovar dhe për Policët e zjarrfikësit dhe familjarët e tyre do ju japim subvencionimi për pushim gjatë 365 ditë në vitë deri 20% zbritje në 45 hotele bujtina dhe restorane shqiptare”, tha Dervishi.

Të pranishëm ishin edhe Drejtori i Policisë së Kosovës Gazmend Hoxha, Fehmi Hoti z/Drejtori ,Sindikata e Policisë zjarrfikësit dhe AME dhe përfaqësues të bizneseve Kosovë-Shqipëri.