Asociacioni i Gazetarëve të Kosovës, ka dënuar sulmin ndaj gazetarit Shkumbin Kajtazi.

Përmes një komunikate për media, AGK thotë se ka dërguar pyetje në policinë e Kosocës, për të marrë informacione lidhur me këtë rast.

Po ashtu, AGK kërkon nga institucionet e drejtësisë t’i hetojnë motivet e këtij sulmi.

“AGK menjëherë̈ ka dërguar pyetje në Policinë e Kosovës që të marrë më shumë informacione rreth këtij rasti. AGK kërkon nga organet e drejtësisë̈ që urgjentisht të hetohen motivet e sulmit dhe kryesi i këtij akti të dal para drejtësisë̈. Kërcënimet e tilla për Asociacionin e Gazetarëve të Kosovës janë tërësisht të papranueshme, të cilat e cenojnë rëndë lirinë e shprehjes dhe rrezikojnë klimën e të bërit gazetari në Kosovë”, thuhet në njoftim.

Gazetari Shkumbin Kjatazi, i cili aktualisht punon në portalin informativ “Reporteri”, ka njoftuar përmes Facebppk-ut se mbrëmjen e së shtunës, disa persona të panjohur kanë tentuar t’ia djegin veturën me benzinë.

Kajtazi ka shkruar se përmes këtij veprimi, dikush ka tentuar ta frikësojë atë.

Ai po ashtu ka bërë të ditur se policia po e heton rastin.