Adrian Bajrami ka rinovuar kontratën me Benfican. Ai është pjesë e ekipit të dytë – Benfica B.
Qendërmbrojtësi shqiptar zgjati kontratën deri në verën e vitit 2026.
Ai te gjiganti portugez është që nga viti 2018, kur ishte transferuar nga Young Boys.
Bajrami kaloi grupmoshat U17, U19 dhe U23 – teksa nga viti 2022 aktivizohet te Benfica B.
21-vjeçari këtë sezon ka regjistruar 20 paraqitje dhe ka kontribuar me një gol e dy asistime.
“Është një krenari e madhe, jam shumë i lumtur me rinovimin tim. Shpresoj të vazhdojë të punojë shumë dhe ta përfaqësojë Benfican në mënyrën më të mirë të mundshme”, tha ai për “BTV”.
Bajrami, i cili ka edhe pasaportë zvicerane, mbetet i vendosur në dëshirën e tij për të arritur tek ekipi i parë i “Shqiponjave”.
“Një nga objektivat është i qartë: të arrijë ekipin A. Por, për momentin jam i fokusuar te ekipi B, të punojë fort, të fitojë ndeshje dhe të rritem, sigurisht”, deklaroi ai.
Adrian Bajrami kujtoi edhe momentet kryesore që ka përjetuar, duke kujtuar emocionin e një arritjeje unike. “Të vija këtu [te Benfica] dhe të bëhesha kampion kombëtar me të rinjtë ishte e pabesueshme. Pastaj, prapë arrita të fitoja Kupën Interkontinentale… është e pashpjegueshme! Dhe tani po luaj rregullisht në ekipin B. Gjëja më e rëndësishme është të vazhdojmë të luajmë, të punojmë mirë dhe të rritemi”, tha Bajrami.
Adrian Bajrami numëron tri paraqitje me Kombëtaren A të Shqipërisë, por në të tri rastet ishin ndeshje miqësore.
Ai ka dy paraqitje me Shqipërinë U19 dhe gjashtë tjera me Shqipërinë U21. /Gazeta Express/