Këngëtari kosovar, Feronit Shabani i njohur emrin artistik si “Fero”, ka bërë një postim në profilin e tij në “Instagram” ku njofton se ka vendosur që të heq dorë përfundimisht nga muzika.
Fero në fotografinë që ia ka bashkuar postimi shihet me mjekër paksa të rritur, duke treguar se tashmë ka filluar faljen e namazit dhe ka thënë se është penduar për çdo këngë.
“Unë kam një mesazh për çdo kënd që dëgjon këngët e mija le t’i fshin ato këngë ose mos t’i dëgjon asniher, le të largohet nga kjo gjë e kotë”, tha Fero në shkrimin e tij.
Pas këtij lajmi ka pasur reagime të shumta, sidomos nga besimtarët myslimanë.
Përmes një postimi në facebook, ilahisti Adem Ramadani ka uruar Feron për këtë gjest.
“Allahu të forcoftë vlla në rrugën e Tij”, ka shkruar Adem Ramadani.
